Tchinthani po Umaliru Uŵandika

NTCHIFUKWA WULI NKHWAKUKHUMBIKA: Pambula kuswera yapa kuchitikengi vinthu vakofya vo vechendachitikepu. Vinthu venivi vazakutiyesa kuti tilongo asani te ndi chiganga kweniso asani tithemba Yehova. Chisuzgu chikulu chazamukwamba asani chisopa chaboza chazibwangandulika. (Mate. 24:21; Chivu. 17:16, 17) Pa nyengu yeniyi titenere kuti tazamukhumbika kupharazga uthenga wacheruzgu mwachiganga. (Chivu. 16:21) Tazamuyukirika ndi Gogi wa ku Magogi. (Ezeki. 38:10-12, 14-16) “Nkhondu ya zuŵa likulu laku Chiuta Wanthazizosi” yazamukwamba asani Gogi waziyukiya ŵanthu aku Yehova. (Chivu. 16:14, 16) Kuti tizije ndi chiganga pa vo vichitikengi kunthazi, titenere kuja akugomezgeka kweche sonu asani chivwanu chidu chiteseka.

MO TINGACHITIYA:

• Titenere kungangamiya ku fundu za urunji zaku Yehova mwachiganga.—Yesa. 5:20

• Tikhumbika kulutirizga kusopa ndi Akhristu anyidu.—Ahe. 10:24, 25

• Tikhumbika kuvwiya ulongozgi wo gulu laku Yehova lititipaska.—Ahe. 13:17

• Titenere kuŵanaŵaniya mo Yehova wataskiyanga ŵanthu ŵaki kali.—2 Petu. 2:9

• Tipempherengi kwaku Yehova ndipuso timugomezgengi.—Sumu 112:7, 8

WONERIYANI KACHIGAŴA KA VIDIYO YAKUTI VINTHU VO VICHITIKENGI KUNTHAZI VO TAZAMUKHUMBIKA KULONGO CHIGANGA, PAVULI PAKI MUKANI MAFUMBU YANGA:

• 

  Kumbi abali mu mpingu anguyeseka wuli pa nkhani ya kuvwiya mpingu wo awungana wati wagaŵika?

• 

  Kumbi pe kukoliyana wuli pakati pa kuvwiya ndi kuja ndi chiganga?

• 

  Ntchifukwa wuli tazamukhumbika chiganga pa Aramagedoni?

• 

  Kumbi ndi nkhani nizi za mu Bayibolu zo zingatiwovya kuja ndi chivwanu chakukho chakuti Yehova wangatitaska?—2 Miko. 20:1-24