TICHITENGI VINTHU NGE AKHRISTU
Tcheŵani Kuti Muleki Kuwandisa Nkhani Zaboza
Mazuŵa nganu, ŵanthu mamiliyoni nganandi alonde mauthenga mwaliŵi ukongwa kuziya pa wayilesi, tv, intaneti kweniso nyuzipepala. Ŵanthu wosi wo ateŵete “Chiuta wauneneska” akhumbika cha kuwandisa nkhani zaboza chinanga kuti angayiwandisa waka mwangozi. (Sumu 31:5; Chitu. 23:1) Nkhani zaboza zingananga mbiri ya munthu kweniso kupatuska mabwezi. Kuti muziŵi asani nkhani yo mwavwa njauneneska mutenere kujifumba kuti:
‘Kumbi yo wandikambiya nkhani iyi ngwakugomezgeka?’ Vingachitika kuti munthu yo watikukambiyani nkhani yo waziŵa fundu zosi cha. Asani uthenga wayenda mu ŵanthu anandi, pakumaliya paki usintha. Mwaviyo mutenere kuphwere kuti muleki kukambiya ŵanthu anyaki nkhani yo muziŵa umampha cha ko yatuliya. Abali wo ŵe ndi maudindu atenere kuphwere kuti aleki kukambiya ŵanthu nkhani yo ŵechendayifufuzi, chifukwa abali mumpingu atiŵagomezga kuti vo akamba vauneneska
‘Kumbi nkhani iyi njakunanga mbiri ya munthu?’ Asani nkhani yo mwavwa njakunanga mbiri ya munthu munyaki pamwenga gulu, mbumampha kusona pamlomu.—Nthanthi 18:8; Afi. 4:8
‘Kumbi nkhani iyi njauneneska nadi?’ Mutenere kuphwere asani mwavwa nkhani pamwenga chakuchitika chinyaki chakusekesa
WONERIYANI VIDIYO YAKUTI ASANI ANYANGU ANENA ŴANTHU ANYAKI, PAVULI PAKI MUKANI MAFUMBU YANGA:
Mwakukoliyana ndi Nthanthi 12:18, kumbi vo tilongoro vingaŵakwaska wuli anyidu?
Kumbi lemba la Afilipi 2:4 lingatiwovya wuli asani tikamba va ŵanthu anyaki?
Kumbi titenere kuchitanji asani ŵanthu ayamba kukamba vinthu viheni va ŵanthu anyaki?
Kumbi ndi mafumbu nanga ngo titenere kujifumba techendayambi kukamba va ŵanthu anyaki?