Kumbi Mungajipereka Kugwiriskiya Ntchitu Nyengu ndi Nthazi Zinu?

Nge mo Yesaya wangukambiya, mazuŵa nganu, chigaŵa cha pacharu chapasi cha gulu laku Yehova chikuwa mwaliŵi ukongwa kuphara kali. (Yesa. 54:2) Chifukwa cha kukuwa kwenuku, pakhumbika kuzengeka Nyumba za Ufumu zinyaki, Malu nga Unganu kweniso nyumba zinyaki za pa beteli. Asani nyumba zenizi zazengeka zikhumbika kuziphwere ndipu asani pajumpha nyengu, zinyaki zingakhumbika kuzinozga. Kumbi tingachita wuli kuti tigwiriskiyi ntchitu nyengu ndi nthazi zidu pakovya pa ntchitu zenizi?

• Titenere kugwiraku ntchitu yakutowesa Nyumba ya Ufumu asani kagulu kidu ka uteŵeti ndiku katowesengi Nyumba ya Ufumu

• Tingajipereka kuti tisambiri mo tingaphwerere Nyumba yidu ya Ufumu

• Asani tikhumba kuti atidanengi pa nyengu yo azenga ndi kunozga Nyumba za Ufumu kufupi ndi ko tija, tingasayina Fomu ya Wofuna Kutumikira Mongodzipereka M’dipatimenti Yoona za Mapulani ndi Zomangamanga (DC-50)

• Tingasayina Fomu ya Amene Akufuna Utumiki Wongodzipereka (A-19) ndipuso tingajipereka kuti tikateŵetiyengi pa Beteli pamwenga malu nganyaki kwa sabata yimoza pamwenga kujumpha

WONERIYANI KACHIGAŴA KA VIDIYO YAKUTI KUNOZGEKE NTCHITU YINYAKI YAKUZENGA, NDIPU MUKANI MAFUMBU YANGA:

• Kumbi ndi vinthu wuli vo vasintha pa nkhani yakugwiriskiya ntchitu mavidiyo kwambiya mu 2014?

• Kuti tipangi mavidiyo nganandi, kumbi ndi ntchitu wuli yo yanozgeka kuti yigwiriki, nanga yiyambengi kweniso yimalengi zuŵanji?

• Kumbi mungachita wuli kuti muwovyeku pa ntchitu iyi?

• Asani tikhumba kuchigwiraku ntchitu yakuzenga ku Ramapo, ntchifukwa wuli tikhumbika kusayina fomu ya DC-50 ndipuso kuwovya pa ntchitu yo a LDC agwira kufupi ndi ko tija?

• Kumbi pe ukaboni wuli wo ulongo kuti Yehova ndiyu ‘walongozga’ pa ntchitu iyi?

• Kumbi tingawovyaku wuli ntchitu iyi chinanga kuti tingagwiraku cha chifukwa cha mo vinthu viliri pa umoyu widu, pamwenga chifukwa chakuti tija kutali ndi nthambi ya ku United States?