KUSAZGIYAKU LUSU LIDU MU UTEŴETI | SAZGIYANIKU LIKONDWA LINU MU UTEŴETI
Musambizengi Ŵanthu Mwakuŵafika pa Mtima
Tikhumbika kuvwiya Chiuta kutuliya pasi pa mtima. (Nth 3:1) Mwaviyo, asani tisambiza tikhumbika kuyesesa kuŵafika pa mtima akuvwisiya. Tingachita wuli venivi?
Mungaŵasambizanga waka uneneska wa mu Bayibolu cha, kweni muŵawovyengi kuti awonengi mo fundu zo asambira zitiŵakwaskiya ndipuso mo zikwaskiya ubwezi wawu ndi Yehova. Awovyeni kuti awonengi mo fundu za mu Bayibolu zilongore kuti Yehova ngwachanju, ngwamampha kweniso ndi murunji. Muŵafumbengi mafumbu mwakuphwere kuti ngaŵawovyi kuziŵa mo avwiya ndi fundu zo asambira. Muŵawovyengi kuti aŵanaŵaniyengi mo angayanduliya asani asintha nkharu yawu yiheni. Mukondwengi ukongwa asani muwona kuti munthu yo musambira nayu watimuyanja ukongwa Yehova.
WONERIYANI VIDIYO YAKUTI TINGAJA NDI LIKONDWA ASANI TISAMBIZA ŴANTHU KUTI AJE AKUSAMBIRA—SAZGIYANIKU LUSU LINU—MUSAMBIZENGI ŴANTHU MWAKUŴAFIKA PA MTIMA, NDIPU MUKANI MAFUMBU YANGA:
Ntchifukwa wuli Neeta wangufumba Jade fumbu lakuti: “Unguŵanaŵaniyapu vo tingusambira pa Mandi?”
Kumbi Neeta wangumuwovya wuli Jade kuti wavwisi mo fundu za mu Bayibolu zilongore kuti Yehova watimuyanja?
Ŵanthu wo tisambira nawu Bayibolu aŵengi pa ubwezi ndi Yehova asani titiŵafika pa mtima
Kumbi Neeta wangumuwoyva wuli Jade kuti waŵanaŵaniyi mo wangalongore kuti watanja Chiuta?