Anthukazi Arara Uŵawonengi nge Anyoku, Asungwana nge Azichi Ŵaku

Malemba ngatitikambiya kuti tiwonengi Akhristu arara nge anyinafwi ndipuso awusefwi ndipu achinyamata tiŵawonengi nge aku ŵidu, avurwa ŵidu pamwenga azichi ŵidu. (Ŵerengani 1 Timote 5:1, 2.) Abali akhumbika kuchita vinthu mwaulemu ndi azichi.

Mubali wakhumbika cha kuchita vinthu nge wakopa mzichi pamwenga kuchita vinthu vo mzichi wangachita navu soni. (Yb 31:1) Mubali wambula kuto watenere cha kuseŵeresa maŵanaŵanu nga mzichi wambula kuyirwa vo vingachitiska kuti wawonengi nge watimukhumba.

Ŵara akhumbika kuŵanaŵaniya azichi wo aŵafumba mafumbu mwaulemu pamwenga wo akhumba kuti aŵawovyi pa nkhani yinyaki. Ŵara atenere kuphwere asani awovya azichi wo alivi alumu ŵawu.—Ru 2:8, 9.

WONERIYANI VIDIYO YAKUTI MULONGONGI CHANJU CHAMBULA KUMALA MUMPINGU—KU VYOKO NDIPUSO ŴANA ALANDA, NDIPU MUKANI MAFUMBU YANGA:

• 

  Kumbi abali ndi azichi mu mpingu angumulongo wuli chanju mzichi Myint?

• 

  Kumbi chanju cho abali ndi azichi angulongo chinguwovya wuli ŵanthu a muchigaŵa cho waja?

• 

  Kumbi chanju cho abali ndi azichi mu mpingu angulongo chinguŵawovya wuli ŵana ŵa mzichi Myint?