Mufufuzengi Maŵanaŵanu Ngaku Chiuta

Tikhumba kukondwesa Yehova pa vosi vo tichita. (Nth 27:11) Kuti timukondwesi tikhumbika kusankha vinthu vo vikoliyana ndi maŵanaŵanu ngaki chinanga kuti palivi dangu pa nkhani yo. Kumbi ntchinthu wuli cho chingatiwovya kuti tichitengi vinthu mwakukoliyana ndi maŵanaŵanu ngaku Chiuta?

Musambirengi Bayibolu Nyengu Zosi. Nyengu zosi asani tiŵerenga Bayibolu tija nge ticheza ndi Yehova. Tingaziŵa mo Yehova waŵanaŵaniya asani tiwona mo wachitiyanga vinthu ndi ŵanthu ŵaki kweniso asani tifufuza vakuwoniyapu va ŵanthu wo anguchita vinthu vamampha kweniso wo anguchita vinthu viheni. Asani tikhumba kusankha chinthu chinyaki, mzimu waku Yehova ungatikumbusa fundu zakuzirwa zo tikusambirapu mu Mazu ngaki.​—Yoh 14:26.

Mufufuzengi. Mwechendasankhi vinthu mujifumbengi kuti, ‘Kumbi ndi nkhani wuli pamwenga ndi mavesi nanga ngo ngangandiwovya kuti ndiziŵi mo Yehova wawone nkhani yeniyi?’ Mupemphengi Yehova kuti wakuwovyeni, kweniso mugwiriskiyengi ntchitu vidya vakufufuziya vo ve muchineneru chinu kuti musaniyi fundu zo zingakuwovyani pa vo mwakumana navu.​—Sl 25:4.

WONERIYANI VIDIYO YAKUTI ‘TITCHIMBIYENGI MWAKUKUNTHIYAPU’​—MURYENGI CHAKURYA CHAKUPASA NTHAZI, PAVULI PAKI MUKANI MAFUMBU YANGA:

• Kumbi mzichi yo we mu vidiyo iyi wachichizgikanga kuti wachitenji?

• Kumbi mungagwiriskiya wuli ntchitu vidya vakufufuziya kuti vikuwovyeni asani muchichizgika kuchita vinthu vinyaki nge vo wangukumana navu mzichi wa mu vidiyo iyi?

• Kumbi tiyanduwa wuli asani tifufuza kweniso tisambira pakutija?​—Ah 5:13, 14