LAYIBULARE YA PA INTANETI
Watchtower
LAYIBULARE YA PA INTANETI
Chitonga (Malawi)
  • BAYIBOLU
  • MABUKU
  • MAUNGANU
  • w20 May pp. 8-11
  • Mafumu Ngaŵi Ngalimbana mu Mazuŵa Ngakumaliya

Vidiyo yo mwasankha palivi.

Pepani, vidiyo iyi yikana kujula.

  • Mafumu Ngaŵi Ngalimbana mu Mazuŵa Ngakumaliya
  • Chigongwi cha Alinda Chakupharazga Ufumu Waku Yehova (Chakusambira)—2020
  • Nkhani Yakuyanana
  • “Fumu ya Kunkhondi” mu Nyengu ya Umaliru
    Chigongwi cha Alinda Chakupharazga Ufumu Waku Yehova (Chakusambira)—2020
  • Kumbi “Fumu ya Kunkhondi” Ndiyani Mazuŵa Nganu?
    Chigongwi cha Alinda Chakupharazga Ufumu Waku Yehova (Chakusambira)—2020
  • Kumbi Buku la Chivumbuzi Likamba Kuti ndi Vinthu Wuli vo Vazamuchitikiya Arwani aku Chiuta?
    Chigongwi cha Mlinda Chakupharazga Ufumu Waku Yehova (Chakusambira)—2022
  • Kumbi Tisambiranji ku Mauchimi nga mu Bayibolu?
    Chigongwi cha Mlinda Chakupharazga Ufumu Waku Yehova (Chakusambira)—2023
Chigongwi cha Alinda Chakupharazga Ufumu Waku Yehova (Chakusambira)—2020
w20 May pp. 8-11

Mafumu Ngaŵi Ngalimbana mu Mazuŵa Ngakumaliya

Mauchimi nganyaki mu tchati ichi ngakamba za vinthu vo vichitika panyengu yakuyanana. Mauchimi yanga ngalongo mu nthowa zinandi kuti te mu “nyengu ya umaliru.”​—Danye. 12:4.

Tchati cho chilongo mauchimi kweniso nyengu yo fumu ya kunkhondi ndi fumu ya kumwera yinguziŵikiya kwambiya mu 1870 mpaka mazuŵa nganu.
  • Tchati chakwamba pa matchati nganayi, cho chilongo mo mauchimi ngafiskikiya mu mazuŵa ngakumaliya kweniso kutuwa mu 1870 mpaka mu 1918. Nyengu yakumaliya yingwamba mu 1914. Uchimi wa nambala 1: Chinyama chakofya cha mitu 7 cho chiphara vosi cho che pakwamba pa tchati. Pa Nkhondu Yakwamba mutu wa 7 upwetekeka. Kwambiya mu 1917 mutu wa 7 wachira ndipu chinyama chakofya chija so chanthazi. Uchimi wa nambala 2: Fumu ya kunkhondi ndi fumu ya kumwera yiziŵika mu 1870. Fumu ya kunkhondi yiziŵika so mu 1871 kuti ndi Germany. Pakwamba fumu ya kumwera yinguziŵika kuti ndi Great Britain kweni mu 1917 ulamuliru wa Britain ndi America ndiwu unguja fumu ya kumwera. Uchimi wa nambala 3: Kwambiya mu 1870, Charles T. Russell ndi anyaki anguziŵika kuti ndi ‘mathenga.’ Mu 1880, magazini ya Zion’s Watch Tower yinguchiska ŵanthu kuti apharazgengi uthenga wamampha. Uchimi wa nambala 4: Kwambiya mu 1914 ntchitu yakuvuna yitamba. Duru wapatulika ku tirigu. Uchimi wa nambala 5: Kwambiya mu 1917 maphazi ngachisulu kweniso dongu ngaziŵika. Uchimi ukamba so: Vinthu vo vachitika pacharu chapasi kwambiya mu 1914 mpaka mu 1918, pa Nkhondu Yakwamba ya Pacharu Chosi. Vo vinguchitikiya Akaboni aku Yehova: Kwambiya mu 1914 mpaka mu 1918, Akusambira Bayibolu amangika ku Britain ndi Germany. Mu 1918, Abali wo alongozganga amangika ku likulu lidu ku United States.
    Uchimi wa nambala 1.

    Malemba Chivu. 11:7; 12:13, 17; 13:1-8, 12

    Uchimi “Chinyama chakofya” chalamuliya ŵanthu kwa vyaka vinandi. Mu mazuŵa ngakumaliya, mutu wa 7 upwetekeka. Pavuli paki, mutu wenuwu wachira ndipu wosi “pacharu chapasi” alondo chinyama chakofya. Satana wagwiriskiya ntchitu chinyama chakofya kuti chichiti “nkhondu ndi akujaku.”

    Kufiskika Pavuli pa Chigumula, arwani aku Yehova angwamba kulamuliya ŵanthu. Pati pajumpha vyaka vinandi ulamuliru wa Britain ungumala nthazi pa nkhondu yakwamba. Unguja so wanthazi wati wakoliyana ndi charu cha United States. Mu mazuŵa ngakumaliya Satana wagwiriskiya ntchitu maboma kuti watombozgi ŵanthu aku Chiuta.

  • Uchimi wa nambala 2.

    Lemba Danye. 11:25-45

    Uchimi Mu mazuŵa ngakumaliya mafumu ngaŵi ngalimbana, fumu ya kunkhondi ndi fumu ya kumwera.

    Kufiskika Charu cha Germany chilimbana ndi Britain ndi America. Mu 1945, charu cha Soviet Union ndi vyaru vinyaki chinguja fumu ya kunkhondi. Mu1991, ulamuliru wa Soviet Union ungumala, ndipu pati pajumpha nyengu charu cha Russia ndi vyaru vinyaki chinguja fumu ya kunkhondi.

  • Uchimi wa nambala 3.

    Malemba Yesa. 61:1; Mala. 3:1; Luka 4:18

    Uchimi Yehova watuma “muthenga” kuti ‘wanozgi nthowa’ Ufumu waku Mesiya wechendajalikiskiki. Gulu ili lingwamba ‘kupharazga uthenga wamampha ku ŵanthu akufwasa.’

    Kufiskika Kwambiya mu 1870, C. T. Russell ndi anyaki angwamba kusambira Bayibolu kuti aziŵi vo lisambiza. Mu 1881 anguziŵa kuti ateŵeti aku Chiuta akhumbika kupharazga. Angwamba kulemba nkhani za mutu wakuti, “Pakhumbika Apharazgi 1,000” kweniso “Akusankhika Apharazgengi.”

  • Uchimi wa nambala 4.

    Lemba Mate. 13:24-30, 36-43

    Uchimi Munthu wamija tirigu mu munda. Pavuli paki murwani wamijamu duru. Duru wakuwa ndi kubisa tirigu. Pa nyengu yakuvuna, duru wapatulika ku tirigu.

    Kufiskika Kwambiya mu 1870 mphambanu yingwamba kuwoneka pakati pa Akhristu auneneska ndi Akhristu aboza. Mu mazuŵa ngakumaliya Akhristu auneneska awunganiskika ndipu apatulika ku Akhristu aboza.

  • Uchimi wa nambala 5.

    Lemba Danye. 2:31-33, 41-43

    Uchimi Maphazi ngachisulu kweniso dongu ngakupangika ndi visulu vakupambanapambana.

    Kufiskika Dongu limiya ŵanthu wo awusika ndi Britain ndi America kweni agarukiya ulamuliru waki. Muwusu wenuwu uja wambula nthazi ukongwa chifukwa cha ŵanthu ŵenaŵa.

  • Tchati chachiŵi pa matchati nganayi, cho chilongo mauchimi ngakukwaskana ndi nyengu yakumaliya ngo ngangufiskika kwambiya cha mu 1919 mpaka mu 1945. Fumu ya kunkhondi yiziŵika kuti ndi Germany mpaka mu 1945. Fumu ya kumwera yiziŵika kuti ndi ulamuliru wa Britain ndi America. Uchimi wa nambala 6: Mu 1919, Akhristu akusankhika awunganiskikiya mu mpingu wakutoweseka. Kwambiya mu 1919, ntchitu yakupharazga yiluta panthazi. Uchimi wa nambala 7: Mu 1920, Wupu wa League of Nations ungupangika ndipu ungulutirizga kuŵapu mpaka kukwamba kwa nkhondu yachiŵi. Uchimi ukamba so: Uchimi wa nambala 1, chinyama chakofya cha mitu 7 chilutirizga kuŵapu. Uchimi wa nambala 5, maphazi ngachisulu kweniso dongu ngalutirizga kuŵapu. Vinthu vo vinguchitika mucharu kwambiya mu 1939 mpaka mu 1945, Nkhondu Yachiŵi ya Pacharu Chosi. Vinthu vo vichitikiya ŵanthu aku Yehova: Kwambiya mu 1933 mpaka 1945, Akaboni akujumpha 11,000 angumangika ku Germany. Kwambiya mu 1939 mpaka mu 1945, Akaboni pafufupi 1,600 angumangika ku Britain. Kwambiya mu 1940 mpaka mu 1944, Akaboni anguŵayukiya maulendu ngakujumpha 2,500 ku United States.
    Uchimi wa nambala 6.

    Malemba Mate. 13:30; 24:14, 45; 28:19, 20

    Uchimi “Tirigu” atimuwunjika “munkhokwi” ndipu “kapolu wakugomezgeka ndi wazeru” waŵikika kuti wawoneriyengi “a munyumba yaki.” ‘Uthenga wamampha wa Ufumu,’ upharazgika “pacharu chosi chapasi.”

    Kufiskika Mu 1919 kapolu wakugomezgeka wangusankhika kuti wawoneriyengi ŵanthu aku Chiuta. Kwambiya mu chaka chenichi Akusambira Bayibolu angwamba kupharazga mwaphamphu. Mazuŵa nganu Akaboni aku Yehova apharazga mu vyaru vakujumpha 200 ndipu asindikiza mabuku mu vineneru vakujumpha 1,000.

  • Uchimi wa nambala 7.

    Malemba Danye. 12:11; Chivu. 13:11, 14, 15

    Uchimi Chinyama chakofya cha masengwi ngaŵi chikambiya ŵanthu pacharu chapasi kuti apangi “chikozgu cha chinyama chakofya” cha masengwi 7 ndipu chipereka “mvuchi ku chikozgu.”

    Kufiskika Ulamuliru wa Britain ndi America ndiwu ungwambisa wupu wa League of Nations. Vyaru vinyaki navu vikusere mu wupu wenuwu. Pavuli paki, fumu ya kunkhondi nayu yingusere mu wupu uwu kutuwa mu 1926 mpaka mu 1933. Nge mo viliri ndi wupu wa United Nations (UN) ŵanthu akambanga kuti wupu wa League of Nations, ujalikisengi chimangu pacharu chosi. Kweni Ufumu waku Chiuta pe ndiwu ungachita venivi.

  • Tchati chachitatu pa matchati nganayi, cho chilongo mo mauchimi ngafiskikiya mu mazuŵa ngakumaliya kutuwa mu 1945 mpaka mu 1991. Fumu ya kunkhondi yiziŵika kuti ndi ufumu wa Soviet Union kweniso vyaru vinyaki mpaka mu 1991, ndipu pavuli paki boma la Russia ndi vyaru vinyaki ndivu vinguja fumu ya kunkhondi. Fumu ya kumwera yiziŵika kuti ndi ufumu wa Britain ndi America. Uchimi wa nambala 8: Josi la bomba lo lilongo kuti ufumu wa Britain ndi America unanga vinthu vinandi. Uchimi wa nambala 9: Mu 1945 angwambisa wupu wa United Nations wo ungusere mumalu mwa wupu wa League of Nations. Uchimi ukamba so: Uchimi wa nambala 1, chinyama chakofya cha mitu 7 chilutirizga kuŵapu. Uchimi wa nambala 5, maphazi ngachisulu kweniso dongu ngalutirizga kuŵapu. Uchimi wa nambala 6, mu 1945 pacharu chosi penga apharazgi akujumpha 156,000. Mu 1991, pacharu chosi penga apharazgi akujumpha 4,278,000. Vinthu vo vinguchitikiya ŵanthu aku Yehova: Akaboni anandi anguŵadikisiya ku Siberia mu ulamuliru wa Soviet Union, kwambiya mu 1945 mpaka cha mu ma 1951.
    Uchimi wa nambala 8.

    Lemba Danye. 8:23, 24

    Uchimi Fumu yakofya “yazamunanga vinthu vinandi mwakuziziswa.”

    Kufiskika Ulamuliru wa Britain ndi America ungunanga vinthu vinandi. Mwakuyeruzgiyapu, pa nyengu ya Nkhondu Yachiŵi ya Pacharu Chosi, charu cha United States chingunanga vinthu vinandi chifukwa chinguponya mabomba ngaŵi ngakofya ukongwa.

  • Uchimi wa nambala 9.

    Malemba Danye. 11:31; Chivu. 17:3, 7-11

    Uchimi Chinyama “chakofya chiyera ukongwa” cha masengwi 10 chituwa kuchizenji ndipu yeniyi ndi fumu ya nambala 8. Buku la Daniyeli likamba kuti fumu iyi ‘ntchinthu chakuseruska cho chisakaza.’

    Kufiskika Wupu wa League of Nations unguleka kugwira ntchitu pa Nkhondu Yachiŵi ya Pacharu Chosi. Nkhondu yati yamala angwambisa wupu wa UN. Nge mo venge ndi wupu wa League of Nations, ŵanthu akamba kuti wupu wa United Nations uzisengi chimangu pacharu chosi. Kweni Ufumu waku Chiuta ndiwu ungachita venivi. Wupu wa UN wazamubwanganduwa chisopa.

  • Tchati chachinayi pa matchati nganayi, cho chilongo mo mauchimi ngafiskikiya mu mazuŵa nganu ngakumaliya mpaka pa Aramagedoni. Fumu ya kunkhondi yiziŵika kuti ndi Russia ndi vyaru vinyaki. Fumu ya kumwera yiziŵika kuti ndi ufumu wa Britain ndi America. Uchimi wa nambala 10: Alongozgi a vyaru adaniriza kuti ‘chimangu ndi kuvikilirika.’ Pavuli paki chisuzgu chikulu chitamba. Uchimi wa nambala 11: Maboma ngayukiya visopa vaboza. Uchimi wa nambala 12: Maboma ngayukiya ŵanthu aku Chiuta. Akusankhika wo azamuja kuti ŵeche pacharu chapasi azamuluta kuchanya. Uchimi wa nambala 13: Aramagedoni. Yo wangukwera pa hachi yituŵa wamaliza kupunda. Chinyama chakofya cha mitu 7 chibayika; chikozgu chiphwanyika ku maphazi ngachisulu kweniso dongu. Uchimi ukamba so: Uchimi wa nambala 1, chinyama chakofya cha mitu 7 chilutirizga kuŵaku mpaka pa Aramagedoni. Uchimi wa nambala 5, maphazi ngachisulu kweniso dongu ngalutirizga kuŵaku mpaka pa Aramagedoni. Uchimi wa nambala 6, mazuŵa nganu, pacharu chosi pe apharazgi akujumpha 8,580,000. Vinthu vo vichitikiya ŵanthu aku Yehova: Mu 2017, boma la Russia lingumanga Akaboni ndi kulonda ofesi ya nthambi.
    Uchimi wa nambala 10 ndi 11.

    Malemba 1 Ate. 5:3; Chivu. 17:16

    Uchimi Vyaru vidaniriza kuti “chimangu ndi kuvikilirika!” ndipu “masengwi 10” kweniso “chinyama chakofya” vazakulisakaza “huli.” Pavuli paki, vyaru vazamubwangandulika.

    Kufiskika Vyaru vikambengi kuti vafiska kujalikiska chimangu pacharu chapasi. Pavuli paki, vyaru vo ve mu wupu wa UN vazamubwanganduwa mawupu nga visopa. Uku kwazamukuŵa kwamba kwa chisuzgu chikulu. Chisuzgu chikulu chazamumala pa nyengu yo Yesu wazamubwanganduwa vyaru vosi pa nkhondu ya Aramagedoni.

  • Uchimi wa nambala 12.

    Malemba Ezeki. 38:11, 14-17; Mate. 24:31

    Uchimi Gogi wayukiya ŵanthu aku Chiuta. Pavuli paki, angelu awunganiska “akusankhika.”

    Kufiskika Fumu ya kunkhondi ndi maboma nganyaki ayukiya ŵanthu aku Chiuta. Asani aziyamba kuyukiya ŵanthu aku Chiuta, akusankhika wo azamuja kuti ŵeche pacharu chapasi azamuluta kuchanya.

  • Uchimi wa nambala 13.

    Malemba Ezeki. 38:18-23; Danye. 2:34, 35, 44, 45; Chivu. 6:2; 16:14, 16; 17:14; 19:20

    Uchimi ‘Yo wangukwera’ pa “hachi yituŵa” wamaliza “kupunda” Gogi ndi asilikali ŵaki. “Chinyama chakofya” ‘chiponyeka munyanja yamotu,’ ndipu chikozgu chiphwanyika.

    Kufiskika Yesu yo ndi Fumu ya Ufumu waku Chiuta watititaska. Yesu, a 144,000 kweniso angelu, azamubwanganduwa vyaru vosi vo vilimbana ndi ŵanthu aku Chiuta. Charu chaku Satana chazamumaliya penapa.

    Mabuku nga Chitonga (1996-2025)
    Tuwanipu
    Sereni
    • Chitonga (Malawi)
    • Tumizani
    • Vo Mukhumba
    • Copyright © 2025 Watch Tower Bible and Tract Society of Pennsylvania
    • Fundu zo Mutenere Kulondo
    • Nkhani Yakusunga Chisisi
    • Kusintha Vinthu Vachisisi
    • JW.ORG
    • Sereni
    Tumizani