Kumbi Dyaboli Wawoneka Wuli?
Vo Bayibolu limuka
Dyaboli ndi mzimu ndipu tingamuwona cha, vo ving’anamuwa kuti walivi liŵavu lo isi tingaliwona.—Aefeso 6:11, 12.
Ŵanthu anandi akujambula, atimujambula Dyaboli nge mbuzi ya masengwi, ya muchira ndipuso foloku. Ŵanthu anyaki agomezga kuti vithuzi vo akujambula Dyaboli venga vakwamba kujambulika ndipu ŵanthu wo angujambula angujaku vyaka 1000 vo vajumpha. Ndipu akujambula ŵenaŵa angutole midawuku pakujambula mo Dyaboli wawoneke.
Kumbi Bayibolu litimukonkhoska wuli Dyaboli?
Bayibolu likonkhoska vaku Dyaboli munthowa zakupambapambana. Venivi vititiwovya kuvwisa mo iyu wawoneke cha kweni umunthu waki. Venivi visazgapu:
Mungelu wa ukweru. Iyu watesesa kuchita vinthu vinyaki vamampha ndi chilatu chakukopa ŵanthu kuti alondongi vo wakhumba mumalu mwakulondo Chiuta.—2 Akorinto 11:14.
Nkharamu yakukoroma. Iyu ngwakukwiya ndipu wayukiya ateŵeti aku Chiuta.—1 Peturo 5:8.
Chinjoka chikulu. Iyu ngwakofya, ngwanthazi ndipuso wapweteka.—Chivumbuzi 12:9.