Kumbi Akaboni aku Yehova Agomezga Yesu?

Hinya. Titimugomezga, ndipu iyu wangukamba kuti: “Ini ndini nthowa, ndi uneneska wo, ndi umoyu wo; kuti yumoza wangaza ku Dada cha, kwambula kuti watuziya mwaku ini.” (Yohane 14:6 14:6) Tigomezga kuti Yesu wanguza pacharu chapasi kutuliya kuchanya ndipu nge munthu wakufikapu wangupereka umoyu waki sembi ya uwombozi. (Mateyu 20:28) Nyifwa yaki kweniso kuyuskika kwaki, vitovya kuti ŵanthu wo avwana mwaku iyu azilonde umoyu wambula kumala. (Yohane 3:16) Tigomezga so kuti Yesu wawusa nge Fumu ya Ufumu waku Chiuta kuchanya, ndipu pambula kuswera yapa wawusengi charu chosi. (Chivumbuzi 11:15) Tigomezga mazu ngaku Yesu ngakuti: “Dada ndi muraku kwaku ini.” (Yohane 14:28) Mwaviyo, tisopa Yesu cha, chifukwa iyu ndi Chiuta Wanthazizosi cha.