Mazu Ngamumphata

a Mubuku laki la Uthenga Wamampha, Luka wangukamba kuti “wakutumbikika Teyofilo.” Chifukwa cha mazu ngenanga, anyaki awona kuti panyaki Teyofilo wenga ndi udindu unyaki ukulu kweniso pa nyengu iyi ndipu wechendaje Mkhristu. (Luka 1:3) Kweni pakulemba buku la Machitidu, Luka wangukamba waka kuti “a Teyofilo.” Akaswiri anyaki a Bayibolu aŵanaŵana kuti Uthenga Wamampha wo Luka wakulemba ndiwu unguwovya Teyofilo kuti waje Mkhristu. Yiwu akamba kuti ndichu chifukwa chaki Luka wanguwerezapu cha kumuzumbuwa ndi mazu ngaulemu ngakuti wakutumbikika. Yapa sonu wangumulembe waka nge mubali waki mwauzimu.