Mazu Ngamumphata

e Kafukufuku walongo asani vamoyu vasinthika, vilutirizga so cha kusintha kuti vipangi so mtundu unyaki wasonu. Pa vakume 100 vo anguvisintha maselu, chakume chimoza pe ndichu chasankhikanga kuti ayesi so kuchisintha. Pa vakume 100 vo vasankhikanga, chakume chimoza pe ndichu chawonekanga kuti chingayenda malonda. Kweni akupangapu cha chamoyu chechosi cha mtundu unyaki wachilendu wo kali kwengavi. Pavuli paki, kafukufuku wakusintha maselu nga vinyama ndiyu wanguŵasuzga so ukongwa kupambana ndi mo anguchitiya ndi vakume. Ndipu anguleke penapa kafukufuku wawu.