Mazu Ngamumphata

a Mu 1932, buku lachiŵi la Vindication lingulongo kakwamba kuti mauchimi nga m’Bayibolo ngo ngakamba ukongwa fundu yakuti ŵanthu aku Chiuta azamuwere so kucharu chawu ngafiskika so mazuŵa nganu. Ndipu ngafiskikiya mtundu chayiwu wa Yisraele cha, kweni Yisraele wauzimu. Mauchimi ngenanga ngakamba vakukwaskana ndi kwamba so kwa kusopa kwauneneska. Chigongwi cha Alinda cha March 1, 1999, chingukamba kuti chiwona chaku Ezekiele nchimoza mwa mauchimi ngenanga ndipu che ndi vinthu vakukhumbika ukongwa vo vifiskika m’mazuŵa ngakumaliya.