• Kumbi Umoyu Ukwamba Wuli?
    Kondwani ndi Umoyu Kwamuyaya!—Kusambira Bayibolu Mwakukambiskana

    • 3. Kumbi taŵanthu tipambana wuli ndi nyama?

      Wati wapanga charu chapasi, Yehova wangwamba kulenga vinthu vamoyu. Chakwamba, Iyu wangulenga dankha vakume ndipuso nyama. Pavuli paki, “Chiuta wangulenga munthu mu chikozgu chaki.” (Ŵerengani Genezesi 1:27) Ntchifukwa wuli tingakamba kuti ŵanthu akulengeka mwapade? Pakuti tikulengeka mu chikozgu chaku Chiuta, tingatoliyaku mijalidu yaki, nge chanju ndipuso urunji. Iyu wakutilenga ndi lusu lakusambira vineneru, kukondwa ndi vinthu vakutowa ndipuso sumu. Kweniso mwakupambana ndi nyama, isi taŵanthu tingamusopa Mlengi widu.

  • Kumbi Umoyu Ukwamba Wuli?
    Kondwani ndi Umoyu Kwamuyaya!—Kusambira Bayibolu Mwakukambiskana

    • 5. Nkhani ya mu Bayibolu yakuti vinthu vikuchita kulengeka njauneneska

      Mu Genezesi chaputala 1, Bayibolu likonkhoska mo charu chapasi kweniso umoyu vingwambiya. Kumbi mutiyigomezga nkhani yeniyi pamwenga mutiyiwona kuti ndi nthanu waka? Woneriyani VIDIYO, pavuli paki kambiskanani mafumbu yanga:

      VIDIYO: Kachigaŵa ka Vidiyo Yakuti Kumbi Vinthu va Muchilengedu Vikuchita Kulengeka? (3:51)

      Vithuzi: Vithuzi vo vatuliya mu ‘Kachigaŵa ka Vidiyo Yakuti Kumbi Vinthu va Muchilengedu Vikuchita Kulengeka?’ 1. Vinthu vo munthu watingi wawonengi asani wenga pacharu chapasi pa mazuŵa 6 ngo Yehova walengiyanga vinthu. 2. Pavuli pa zuŵa la nambala 6 pacharu chapasi pawoneka lumwi, mtunda, maji, vakume, viyuni, nyama za pamtunda kweniso ŵanthu.

      • Kumbi Bayibolu lisambiza kuti charu chapasi kweniso vinthu vosi vamoyu vingulengeka mu mazuŵa 6 nga maola 24?

      • Kumbi muwona kuti nkhani ya mu Bayibolu yakukwaskana ndi chilengedu njakuvwika ndipuso njauneneska? Ntchifukwa wuli muwona viyo?

      Ŵerengani Genezesi 1:1, pavuli paki kambiskanani fumbu ili:

      • Asayansi akamba kuti chilengedu che ndi chiyambi. Kumbi vo yiwu akamba vikoliyana wuli ndi vo mwaŵerenga mu Bayibolu?

      Ŵanthu anyaki aŵanaŵana kuti Chiuta wangupanga dankha kanthu kamana ukongwa ko pavuli paki kasambukanga kamanakamana ndi kuja vamoyu vinandi. Ŵerengani Genezesi 1:21, 25, 27, pavuli paki kambiskanani mafumbu yanga:

      • Kumbi Bayibolu lisambiza kuti Chiuta wangulenga dankha kanthu kamana ko kanguzisambuka somba, vinyama ndipuso ŵanthu? Pamwenga wangulenga vamoyu vosi mwakukoliyana ndi “mitundu” yaki?b