4:10-15

Yehova wanguwovya Mozesi kuti waŵevi mantha. Kumbi tingasambiranji pa vo Yehova wakambiskananga ndi Mozesi?

• Tingaŵanaŵaniyanga waka vo titondeka cha

• Tigomezga kuti Yehova wangatiwovya kuti tifiski uteŵeti widu

• Kuja ndi chivwanu mwaku Chiuta kungatiwovya kuti tileki kopa ŵanthu

Pakwamba Mozesi wajikayikiyanga kuti wangafiska cha kugwira ntchitu yo Yehova wangumupaska. (Chitu. 4:10, 13) Kumbi namwi mukujikayikiyapu? Kumbi musambira Bayibolu ndi Akaboni aku Yehova? Kumbi muwona kuti mungafiska cha kupharazga nyumba ndi nyumba? Pamwenga ndimwi wachinyamata ndipu muchita mantha kupharazgiya anyinu kusukulu. Kweniso panyaki mutopa kupharazga pa foni pamwenga nthowa yinyaki yakupharazgiya kumalu ko kusanirika ŵanthu anandi. Asani ndi viyo, pemphani Yehova kuti wakuwovyeni ndi mzimu waki wakupaturika. (1 Petu. 4:11) Mujengi ndi chigomezgu kuti Yehova wangakuwovyani kugwira ntchitu yeyosi yo wangakupaskani.​—Chitu. 4:11, 12.