• Kumbi Angelu Mbayani Ndipuso Agwira Ntchitu Wuli?
    Kondwani ndi Umoyu Kwamuyaya!—Kusambira Bayibolu Mwakukambiskana
    • Vinthu vakupambanapambana vakukwaskana ndi masenga ndipuso mizimu, kusazgapu chithapu, chabola chagilasi, mabuku nga mizukwa, makadi ngamasenga, vidoli vamasenga, libani, vithumwa ndipuso nyanga.

      5. Kanani vamizimu

      Satana ndi viŵanda vaki mbarwani aku Yehova. Mwaviyo, isi nasi mbarwani ŵidu. Ŵerengani Luka 9:38-42, pavuli paki kambiskanani fumbu ili:

      • Kumbi viŵanda vitiŵawofyeza wuli ŵanthu?

      Tikhumbika cha kuzomereza viŵanda kuti vitilongozgengi pa umoyu widu. Ŵerengani Dotoronome 18:10-12, pavuli paki kambiskanani mafumbu yanga:

      • Kumbi ndi vinthu nivi vo viŵanda vikhumba kuti tichitengi? Nanga ndi vinthu wuli vakukwaskana ndi nkhani yeniyi vo vichitika ukongwa muchigaŵa chinu?

      • Kumbi muwona kuti Yehova wachita umampha kutikaniza kuchita vamizimu? Ntchifukwa wuli muwona viyo?

      Woneriyani VIDIYO, pavuli paki kambiskanani mafumbu yanga:

      VIDIYO: “Suskani Dyaboli” (5:02)

      • Kumbi muwona kuti njirizi zo mwana waku Palesa wanguvwala zenga zamampha? Ntchifukwa wuli muwona viyo?

      • Kumbi Palesa wakhumbikanga kuchitanji kuti wajivikiliyi ku viŵanda?

      Akhristu auneneska nyengu zosi akana kulongozgeka ndi viŵanda. Ŵerengani Machitidu 19:19 ndipuso 1 Akorinto 10: 21, pavuli paki kambiskanani fumbu ili:

      • Ntchifukwa wuli tikhumbika kuwotcha chechosi chakukwaskana ndi mizimu?

      Munthukazi wawotcha vinthu vakupambanapambana vakukwaskana ndi mizimu.
  • Ntchinthu Wuli Chichitika Asani Munthu Wafwa?
    Kondwani ndi Umoyu Kwamuyaya!—Kusambira Bayibolu Mwakukambiskana

    • 2. Kumbi kuziŵa uneneska wakukwaskana ndi nyifwa kutitiwovya wuli?

      Ŵanthu anandi atopa nyifwa kweniso ŵanthu wo akufwa! Kweni mungachiskika ukongwa asani mungavwa vo Bayibolu likamba vakukwaskana ndi nyifwa. Yesu wangukamba kuti: “Uneneska . . . ukufwatuweningi.” (Yohane 8:32) Matchalitchi nganandi ngakamba kuti munthu we ndi mzimu wo ulutirizga kuja ndi umoyu asani iyu wafwa. Kweni Bayibolu lisambiza venivi cha. Mwaviyo, tingakamba kuti palivi yo wasuzgika asani wafwa. Kweniso ŵanthu akufwa angatipweteka cha chifukwa yiwu aziŵa chechosi cha. Mwaviyo, tikhumbika cha kukondwesa akufwa pamwenga kuŵasopa ndipuso tikhumbika cha kuŵapemphere.

      Ŵanthu anyaki akamba kuti akambiskana ndi ŵanthu wo akufwa. Kweni lenili ndi boza. Nge mo tawone, “akufwa aziŵa chechosi cha.” Ŵanthu wo aŵanaŵana kuti akambiskana ndi abali ŵawu wo akufwa, atuŵa kuti akambiskana ndi angelu aheni wo apusikiziya kuti mbanthu wo akufwa. Mwaviyo, kuziŵa uneneska wakukwaskana ndi nyifwa kutitivikiliya kwa angelu aheni ŵenaŵa. Yehova watitikaniza kukambiskana ndi ŵanthu wo akufwa chifukwa waziŵa kuti asani tingayamba kuchita vinthu ndi angelu aheni, yiwu angatipweteka.—Ŵerengani Dotoronome 18:10-12.