15, 16. (a) Kumbi nchinthu wuli cho chinguchitikiya Hana chifukwa chakuti warombanga kwaku Yehova ndi kumusopa kuchihema? (b) Kumbi tingamuyezga wuli Hana asani tadeluka nthazi chifukwa cha masuzgu?

¹⁵ Kumbi nchinthu wuli cho chinguchitikiya Hana chifukwa chakuti warombanga kwaku Yehova ndi kumusopa kuchihema? Bayibolo likamba kuti: “Viyo munthukazi yo wanguwere kwaki wangurya, ndipu chisku chaki kuti chinguŵa so cha chitima cha.” (1 Sam. 1:18) Yapa sonu Hana wangujalika mtima pasi. M’nthowa yinyaki tingakamba kuti wanguto vosi vo vamusuzganga m’mtima ndi kupingizga munthu munyaki wanthazi ukongwa kuruska iyu, Yehova Chiuta wakuchanya. (Ŵerengani Sumu 55:22.) Kumbi lilipu suzgu lo Yehova wangatondeka kulimaliska? Awa, palivi suzgu lelosi lo lingamutonda Yehova.

¹⁶ Asani tadeluka nthazi chifukwa cha masuzgu, tingachita umampha ukongwa kwezga Hana ndi kukambiya malunguruku ngidu Chiuta yo Bayibolo likamba kuti, ‘wamuka marombu.’ (Sumu 65:2) Asani tingachita viyo mwachivwanu, tiŵengi ndi “chimangu cho chaku Chiuta, cho chizungura kuwamu kosi,” m’malu mwakujaliya kudinginyika.​—Ŵaf. 4:6, 7.

¹⁸ Kumbi Penina wanguziwamu nyengu niyi kuti Hana wakuleka kudinginyika chifukwa chakumuchombola? Bayibolo likambapu cha, kweni mazu ngakuti, “chisku chaki kuti chinguŵa so cha chitima cha,” ngalongo kuti kutuliya pa nyengu yeniyo, Hana wajanga mwalikondwa ndipu wakwininikanga so cha. Chinanga wuli Bayibolo likambapu cha, kweni viwoneka kuti wanguswera cha kuziŵa kuti Hana watoliyaku kanthu cha vakuti watimuchombola. Kutuwa pa nyengu iyi, Bayibolo litimuzumbuwapu so cha Penina.