• Wanguchita Chiganga Kuti Wataski Ŵanthu aku Chiuta
    Yezgani Chivwanu Chawu

    • 22. Nchifukwa wuli Estere wachitanga mantha kuchikumana ndi karonga yo wenga murumu waki? (Wonani so mazu ngam’mphata.)

      22 Estere watenere kuti wangufipa mtima ukongwa wati walonde uthenga wo. Yapa chivwanu chaki chingweseka ukongwa. Iyu wangumubisa cha Mordikayi kuti wachitanga mantha. Wangumukumbuska so dangu la fumu lakuti asani munthu wawoneke pamasu pa fumu kwambula kudanika watenere kubayika. Munthu walekanga kubayika pijapija asani fumu yamusoske nthonga yagolidi. Asani tingakumbuka vo vinguchitikiya Vashite wati wakana kuluta kwa fumu yati yamudana, tikhoza kuwona kuti Estere wengavi chifukwa chakuŵanaŵaniya kuti wangapona asani wangaleka kuvwiya dangu la fumu. Estere wangumukambiya so Mordikayi kuti iyu waja mazuŵa 30 kwambula kudanika ndi fumu. Kuleka kudanika kwa mazuŵa 30 kunguchitiska kuti waŵanaŵanengi kuti akhumba fumu yikusintha maŵanaŵanu ndipu yikuleka kumuyanja.e—Est. 4:9-11.

  • Wanguchita Chiganga Kuti Wataski Ŵanthu aku Chiuta
    Yezgani Chivwanu Chawu

    • e Serese Wakwamba waziŵikanga kuti wenga munthu yo wasweranga cha kuvunduka. Herodotus yo wenga wakulemba mbiri wachigiriki wakulembapu vakuchitika vakukwaskana ndi nkhondu yo Serese warwananga ndi Agiriki. Fumu yingulangula kuti andandalikiski masitima panyanja ya Hellespont kuti ngaje nge mtanthu. Chimphepu chati chaparanya mtanthu wo anguwupanga ndi masitima, Serese wangulangula kuti mayinjiniya ngosi ngadumuliki mitu. Wangukamba so kuti nyanja ya Hellespont yilangiki mwa kukhwechuwa maji ngaki uku aŵerenga mwakukweza mazu ngakuyituka. Pa nyengu yeniyi pe, munthu munyaki wakukhupuka wati wapempha kuti mwana waki wangakanga cha kunkhondu, Serese wangucheketa mwana yo pakati ndi kupayika liŵavu laki ndi chilatu chakukhumba kutcheŵeska ŵanthu wosi wo ŵenga ndi vilatu vakukhumba kukana kuluta kunkhondu.