5. Malanani ndi vinthu vo vingakutondekesani kubatizika

Weyosi wakumana ndi masuzgu asani wasankha kuti wajipereki kwaku Yehova ndi kubatizika. Kuti muwoni chakuwoniyapu, woneriyani VIDIYO, ndipu pavuli paki kambiskanani mafumbu ngo nge mumphata.

VIDIYO: Kwanja Yehova Kungundiwovya Kuti Ndimalani ndi Masuzgu (5:22)

• Nge po tawone mu vidiyo, kumbi ndi masuzgu wuli ngo Narangerel wangukumana nangu wati wasankha kuteŵete Yehova?

• Kumbi kwanja Yehova kungumuwovya wuli kuti wamalani ndi masuzgu ngenanga?

Ŵerengani Nthanthi 29:25 ndipuso 2 Timote 1:7, pavuli paki kambiskanani fumbu ili:

• Kumbi ntchinthu wuli cho chititiwovya kuja ndi chiganga kuti timalani ndi vinthu vo vingatitondekesa kubatizika?

Tikhumbika kumugomezga ukongwa Yehova sonu. Muyesesengi kupemphera ndipuso kuŵerenga Mazu ngaku Yehova zuŵa lelosi. Musanirikengi pa maunganu nyengu zosi. Vinthu vosi venivi vikuwovyeningi kuti muje ndi chiganga kuti mufiski kukunthiyapu asani ŵanthu anyaki pamwenga a mubanja linu atikutombozgani. Wakutumika Paulo yo kanandi watombozgekanga wangukamba kuti: “Yehova ndiyu watindiwovya; ndiwopengi cha.”—Aheberi 13:6.

Kupharazga nyengu zosi naku kungatiwovya kuti tije ndi chiganga. Kupharazga kutitiwovya kuti timuthembengi ukongwa Yehova kweniso kuti tilekengi kopa ŵanthu. (Nthanthi 29:25) Asani mupharazga mwachiganga sonu, mungazipharazga mbwenu asani boma layamba kukaniza ntchitu yidu.—1 Atesalonika 2:2.