• Kumbi Mungachita Wuli Kuti Muyambepu Kupharazgiya Ŵanthu Uthenga Wamampha?
    Kondwani ndi Umoyu Kwamuyaya!—Kusambira Bayibolu Mwakukambiskana

    • 3. Yehova waŵengi namwi

      Ŵanthu anyaki wo akhumba kwambapu kupharazga atopa chifukwa chakuŵanaŵaniya vo ŵanthu angakamba ndipuso mo angachiŵalondere.

      • Kumbi namwi mutopa kukambiyaku ŵanthu vo mwasambira? Ntchifukwa wuli mwamuka viyo?

      Woneriyani VIDIYO, pavuli paki kambiskanani fumbu lo le mumphata.

      VIDIYO: Ndingupempha Yehova Kuti Wandiwovyi Kuti Ndije ndi Chiganga (4:05)

      • Kumbi achinyamata wo tawona mu vidiyo anguchita wuli kuti amalani ndi mantha?

      Ŵerengani Yesaya 41:10, pavuli paki kambiskanani fumbu ili:

      • Asani muchita mantha kupharazga, ntchifukwa wuli mukhumbika kupemphera kwaku Yehova?

      Kumbi muziŵa?

      Akaboni aku Yehova anandi pakwamba awonanga kuti angafiska cha kupharazgiya ŵanthu uthenga wamampha. Mwakuyeruzgiyapu, pakwamba Sergey wajideleranga ndipuso wasuzgikanga kukambiskana ndi ŵanthu. Kweni pavuli paki iyu wangusambira Bayibolu. Iyu wangukamba kuti: “Chinanga kuti ndenga ndi mantha, kweni ndingwambapu kukambiyaku ŵanthu vo ndasambiranga. Ndinguzizwa ukongwa kuti kukambiyaku ŵanthu uthenga wa mu Bayibolu kungundiwovya kuti ndileki kujikayikiya. Kweniso kwachitiskanga kuti ndivigomezgengi ukongwa vo ndasambiranga.”