• Kumbi Muguŵengi Chifukwa Chaku Yesu?
    Chigongwi cha Alinda (Chakusambira)—2021 | May

    • (3) YESU WANGUKANA KULONDO MIDAWUKU YINANDI YA AYUDA

      Ŵanthu anandi anguguŵa chifukwa cha kukana kuchitaku midawuku yawu yinyaki. Ntchifukwa wuli vinthu venivi viguŵiska so ŵanthu anyaki mazuŵa nganu? (Wonani ndimi 13)e

      13. Kumbi ndi vinthu wuli vo vinguchitiska kuti ŵanthu anandi amukani Yesu?

      13 Mu nyengu yaku Yesu, akusambira aku Yohane Mubatizi anguzizwa chifukwa akusambira aku Yesu afunganga cha. Yesu wangukamba kuti pengavi chifukwa chakuti afungiyi iyu weche ndi umoyu. (Mate. 9:14-17) Chinanga kuti venga viyo, Afarisi kweniso ŵanthu anyaki wo amususkanga Yesu angumumba mulandu chifukwa chakuti iyu wachitangaku cha midawuku yawu. Yiwu akwiyanga asani Yesu wachizga ŵanthu pa zuŵa la Sabata. (Mariko 3:1-6; Yoha. 9:16) Yiwu ajikuzganga chifukwa chakuti akambanga kuti atumbika zuŵa la Sabata. Kweni awonangapu suzgu yeyosi cha kuchita malonda mu nyumba yakusopiyamu. Yiwu angukwiya ukongwa Yesu wati waŵasuska chifukwa cha venivi. (Mate. 21:12, 13, 15) Ndipuso ŵanthu wo Yesu waŵapharazgiyanga musinagogi ku Nazareti, angukwiya ukongwa Yesu wati wagwiriskiya ntchitu vakuyeruzgiyapu va Ayisirayeli kuti walongo kuti yiwu ŵenga akujikuzga kweniso ŵengavi chivwanu. (Luka 4:16, 25-30) Ŵanthu anandi angumukana Yesu chifukwa iyu wachitanga vinthu vo yiwu aŵanaŵanangaku cha kuti wangachita.—Mate. 11:16-19.

      14. Ntchifukwa wuli Yesu wangususka midawuku ya ŵanthu yo yakoliyananga cha ndi Malemba?

      14 Kumbi Malemba ngakambanji? Kuziya mwa mchimi Yesaya, Yehova wangukamba kuti: “Ŵanthu yaŵa andere kwaku ini ndi mulomu wawu pe ndipuso atinditumbika ndi milomu yawu, kweni mitima yawu ye kutali ukongwa ndi ini; ndipu atindiwopa chifukwa cha marangu nga ŵanthu ngo akusambizika.” (Yesa. 29:13) Yesu wangunangapu cha kususka midawuku ya ŵanthu yo yakoliyananga cha ndi Malemba. Ŵanthu wo awonanga kuti marangu kweniso midawuku ya ŵanthu njakuzirwa kuluska Malemba, akananga Yehova kweniso Mesiya yo Iyu wangumutuma.

  • Kumbi Muguŵengi Chifukwa Chaku Yesu?
    Chigongwi cha Alinda (Chakusambira)—2021 | May

    • (4) YESU WANGUSINTHA VINTHU VA BOMA CHA

      Ŵanthu anandi anguguŵa chifukwa cha kuleka kuchitaku vandali. Ntchifukwa wuli vinthu venivi viguŵiska so ŵanthu anyaki mazuŵa nganu? (Wonani ndimi 17)f

      17. Kumbi ŵanthu anandi akhazganganji vo vinguchitiska kuti amukani Yesu?

      17 Yesu we pacharu chapasi, ŵanthu anyaki akhumbanga kuti vinthu visinthi mu boma. Yiwu alindizganga kuti Mesiya wazakuŵafwatuwa ku ulamuliru wakukandirizga wa boma la Aroma. Kweni pa nyengu yo akhumbanga kumuvwalika ufumu Yesu, iyu wangukana. (Yoha. 6:14, 15) Ŵanthu anyaki kusazgapu asembi, awopanga kuti Yesu wasinthengi vinthu mu boma. Ndipu venivi vatingi vichitiskengi kuti Aroma aŵakwiyiyi ndipu atingi aŵalondengi mazaza ngo anguŵapaska. Chifukwa chakuti yiwu afipanga mtima ndi nkhani zandali, Ayuda anandi angumukana Yesu.

      18. Kumbi ndi mauchimi nga mu Bayibolu nanga ngakukwaskana ndi Mesiya ngo ŵanthu anandi angatoliyangaku kanthu cha?

      18 Kumbi Malemba ngakambanji? Chinanga kuti mauchimi nganandi ngangukambiya limu kuti nyengu yinyaki Mesiya wazamuthereska arwani ŵaki, kweni mauchimi nganyaki ngangulongo kuti iyu wakhumbikanga dankha kufwa chifukwa cha maubudi ngidu. (Yesa. 53:9, 12) Sonu nanga ntchifukwa wuli Ayuda anandi akhazganga vinthu vambula kwenere vakukwaskana ndi Mesiya? Ŵanthu anandi a mu nyengu yaku Yesu, angatoliyangaku kanthu cha mauchimi ngo ngakukambapu cha kuti masuzgu ngawu ngamalengi nyengu yeniyo.—Yoha. 6:26, 27.