-
Ntchinthu Wuli Chichitika Asani Munthu Wafwa?Kondwani ndi Umoyu Kwamuyaya!—Kusambira Bayibolu Mwakukambiskana
-
-
3. Ziŵani uneneska wakukwaskana ndi vo vichitika asani munthu wafwa
Pacharu chapasi, ŵanthu agomezga vinthu vakupambanapambana pa nkhani ya vo vichitika asani munthu wafwa. Kweni vinyaki vo yiwu agomezga vaboza.
Kumbi ŵanthu anandi muchigaŵa chinu akamba kuti ntchinthu wuli chichitika asani munthu wafwa?
Kuti muziŵi vo Bayibolu lisambiza, woneriyani VIDIYO.
Ŵerengani Wakutawula 3:20, pavuli paki kambiskanani mafumbu yanga:
Mwakukoliyana ndi lemba ili, kumbi ntchinthu wuli cho chichitika asani munthu wafwa?
Kumbi chilipu chinthu chinyaki mu liŵavu la munthu cho chilutirizga kuja ndi umoyu asani iyu wafwa?
Bayibolu likamba vakukwaskana ndi nyifwa yaku Lazaro yo wenga munyaki ukongwa waku Yesu. Ŵerengani Yohane 11:11-14, ndipu muchiŵerenga wonani vo Yesu wangukamba vakukwaskana ndi Lazaro yo wangufwa. Pavuli paki kambiskanani mafumbu yanga:
Kumbi Yesu wanguyeruzgiya nyifwa ndi vinthu wuli?
Kumbi vo Yesu wangukamba vititisambizanji vakukwaskana ndi ŵanthu wo akufwa?
Kumbi muwona kuti vo Bayibolu likamba pa nkhani ya ŵanthu akufwa vauneneska?
-
-
Akufwa Azamuyuka!Kondwani ndi Umoyu Kwamuyaya!—Kusambira Bayibolu Mwakukambiskana
-
-
4. Yesu wangulongo kuti wazakuŵayuska nadi akufwa
Wonani so vinthu vinyaki vo tisambirapu pa vo Yesu wanguchitiya mubwezi waki Lazaro. Ŵerengani Yohane 11:14, 38-44, pavuli paki kambiskanani mafumbu yanga:
Kumbi tisimikiza wuli kuti Lazaro wangufwa nadi?—Wonani vesi 39.
Asani Lazaro wanguluta kuchanya wati wafwa, kumbi muwona kuti Yesu watingi wamuweziyengi so pacharu chapasi?
-