14. Kumbi tingapembuzga wuli ŵanthu wo abali ŵawu akutayika?

¹⁴ Mphakuvwika kuti nkhwakusuzga kuziŵa vo tingakambiya munthu yo we ndi chitima chikulu. Chinanga kuti ve viyo, Bayibolu likamba kuti “lilimi lazeru lichizga.” (Nthanthi 12:18) Anandi asaniya fundu zo angachiskiya anyawu mukabuku kakuti: Asani Munthu yo Mutanja Watayika.c Chinthu chakukhumbika ukongwa cho kanandi mungachita kuti mupembuzgi anyinu, ‘nkhuliya ndi wo aliya.’ (Ŵar. 12:15) Gaby yo murumu waki wakutayika wangukamba kuti: “Asani ndikhumba kumalisa chitima cho nde nachu ndiliya. Ndichu chifukwa ndichiskika asani anyangu aliya nani. Pa nyengu iyi nditijivwa kuti nde ndija cha.”

20. Ntchifukwa wuli vo Yehova walayizga vakupembuzga ukongwa?

²⁰ Ntchakuchiska kuziŵa kuti Yehova Chiuta yo ngwakupembuzga, wazamutuzgapu vinthu vosi vakuchitisa chitima asani ‘ŵanthu wosi wo ŵe mumiwunda yachikumbusu, azivwa mazu ngaku [Khristu] ndi kutuwamu’! (Yoh. 5:28, 29) Chiuta walayizga kuti, ‘wazamutuzgapu nyifwa kwamuyaya ndipu Yehova Fumu Yikulu, wazamuleska masozi ngosi pa visku va ŵanthu.’ (Yes. 25:8) Mwaviyo, m’malu ‘mwakuliya ndi wo aliya’ ŵanthu wosi pacharu chapasi ‘azamukondwa ndi wo akondwa.’—Ŵar. 12:15.