3. Kumbi Akaboni aku Yehova alongo wuli kuti atanjana nge mo Yesu wachitiyanga?

Yesu waŵayanjanga ukongwa akusambira ŵaki mwakuti waŵawonanga nge ŵanthu a mu banja laki. (Ŵerengani Mariko 3:35.) Mwakuyanana waka, Akaboni aku Yehova ŵe nge banja lakukoliyana lapacharu chosi. Ndichu chifukwa chaki tidanana kuti abali ndi azichi. (Filimoni 1, 2) Tivwiya so dangu lakuti: “Muyanjengi gulu losi la abali.” (1 Peturo 2:17) Akaboni aku Yehova alongo kuti atanjana mu nthowa zakupambanapambana. Mwakuyeruzgiyapu, yiwu atovya anyawu pacharu chosi chapasi asani akumana ndi masuzgu.

6. Asani munthu wabatizika wasere mu banja lauzimu laku Yehova

Asani munthu wabatizika wasere mu banja lakukoliyana lapacharu chosi. Chinanga kuti tituliya mumalu ndipuso mumitundu yakupambanapambana, tosi tigomezga vakuyanana ndipuso tilondo marangu ngakuyanana kwekosi ko tingaŵa. Ŵerengani Salimo 25:14 ndipuso 1 Peturo 2:17, pavuli paki kambiskanani fumbu ili:

• Kumbi ubatizu utimuwovya wuli munthu kuti waje pa ubwezi ndi Yehova ndipuso anyaki wo wasope nawu limoza?

Asani te ndi Akhristu anyidu, titijivwa nge mo Fumu Davidi yingukambiya kuti: “Ntchinthu chamampha ukongwa kweniso chakukondwesa kuti abali aje pamoza mwakukoliyana!” (Salimo 133:1) Kweni vichitika waka vija cha kuti taŵanthu tikoliyanengi mumpingu. Weyosi wakhumbika kuchitapu kanthu kuti tikoliyanengi.

1. Kumbi ntchinthu chapade nichi cho chichitika pakati pa ŵanthu aku Chiuta?

Mbuneneska kuti asani mungachipangiya maunganu ngampingu kucharu chinyaki, mungavwa cha chineneru chawu, kweni mungajivwa kuti mwe alendu cha pa maunganu ngo. Chifukwa wuli? Chifukwa kwekosi, tisambira mabuku ngakuyanana ngo ngakonkhoska fundu za mu Bayibolu. Kweniso tiyesesa kwanjana. Kwekosi ko tingaŵa, ‘tidaniya pa zina laku Yehova, kuti timuteŵete mwakukoliyana.’—Zefaniya 3:9.

2. Kumbi mungachita wuli kuti mukoliyanengi ndi anyinu mumpingu?

“Muyanjanengi ukongwa kutuliya mumtima.” (1 Peturo 1:22) Kumbi mungawugwiriskiya wuli ntchitu ulongozgi wenuwu? Muwonengi vinthu vamampha vo anyinu achita mumalu mwakuŵanaŵaniya ukongwa vo anangisa. Mumalu mwakwanjana waka ndi ŵanthu wo atanja vo yimwi mutanja, muyesesengi kuziŵana ndi abali kweniso azichi wo mupambana nawu mtundu kweniso vinthu vinyaki. Tikhumbika so kuyesesa kumalisa kamtima kekosi kasankhu ko tingaŵa naku.—Ŵerengani 1 Peturo 2:17.a

3. Kumbi mungachita wuli asani mwapambana maŵanaŵanu ndi Mkhristu munyinu?

Chinanga kuti tichita vinthu mwakukoliyana, kweni tosi te ambula kufikapu. Mwaviyo, nyengu zinyaki tiguŵiskana. Ndichu chifukwa chaki Mazu ngaku Chiuta ngatitikambiya kuti: “Lutirizgani . . . Kugowokiyana.” Ngatitikambiya so kuti: “Nge mo Yehova wakukugowokiyani ndi mtima wosi, namwi so muchitengi viyo.” (Ŵerengani Akolose 3:13.) Yehova titimunangiya kananandi waka, kweni watitigowoke. Mwaviyo, nayu wakhumba kuti tigowokiyengi anyidu. Asani mwaziŵa kuti mwaguŵiska munyinu, yimwi ndimwi muyambengi kuchitapu kanthu kuti mumalisi nkhani yo.—Ŵerengani Mateyu 5:23, 24.b

SAMBIRANI VINANDI

4. Lekani kuja ndi mtima wasankhu

Tikhumbika kwanja abali wosi. Kweni nyengu zinyaki tingasuzgika kwanja munthu yo wawoneka kuti wapambana nasi. Kumbi ntchinthu wuli cho chingatiwovya? Ŵerengani Machitidu 10:34, 35, pavuli paki kambiskanani mafumbu yanga:

• Yehova walondere ŵanthu amitundu yosi wo asankha kuja Akaboni ŵaki. Chifukwa cha kuziŵa fundu yeniyi, kumbi mukhumbika kuŵawona wuli ŵanthu wo mupambana nawu mtundu pamwenga vinthu vinyaki?

• Kumbi ndi mitundu niyi ya sankhu yo ŵanthu anandi achita muchigaŵa chinu yo yimwi mukhumbika cha kuchitaku?

Ŵerengani 2 Akorinto 6:11-13, pavuli paki kambiskanani fumbu ili:

• Kumbi muwona kuti mungachita wuli kuti muyambi kwanjana ndi abali ndi azichi wo mupambana nawu mtundu pamwenga vinthu vinyaki?

5. Mugowokiyanengi ndi mtima wosi ndipu muyesesengi kuja pa chimangu ndi anyinu

Yehova watitigowoke ndi mtima wosi chinanga kuti palivi cho isi tingakhumbika kumugowoke. Ŵerengani Salimo 86:5, pavuli paki kambiskanani mafumbu yanga:

• Kumbi Yehova walongo wuli kuti watitigowoke ukongwa?

• Ntchifukwa wuli mukhumbika kumuwonga ukongwa Yehova pa nkhani yakugowoka?

• Kumbi ndi vinthu wuli vo vingachitiska kuti titondeki kukoliyana ndi anyidu?

Kumbi tingamuyezga wuli Yehova ndi kulutirizga kuja mwakukoliyana ndi abali kweniso azichi? Ŵerengani Nthanthi 19:11, pavuli paki kambiskanani fumbu ili:

• Kumbi mungachita wuli kuti vinthu vije umampha asani munthu munyaki wakukwiyisani pamwenga wakuguŵiskani?

Nyengu zinyaki nasi tinangiya anyidu. Asani vaŵa viyo, kumbi tikhumbika kuchitanji? Woneriyani VIDIYO, pavuli paki kambiskanani fumbu lo le mumphata.

VIDIYO: Ŵanthu wo Aja Mwachimangu Atumbikika (6:01)

• Nge po tawone mu vidiyo, kumbi mzichi wanguchita wuli kuti waweziyepu chimangu?

6. Muwonengi vamampha vo abali ndi azichi achita

Asani tayamba kuŵaziŵa umampha abali ndi azichi, titamba kuwona vinthu vamampha vo achita ndipuso vo anangisa. Kumbi tingachita wuli kuti tiwonengemu vamampha pe mwaku yiwu? Woneriyani VIDIYO, pavuli paki kambiskanani fumbu lo le mumphata.

VIDIYO: Muwonengi Vinthu Mwakwenere! (5:10)

• Kumbi ndi vinthu wuli vo vingakuwovyani kuti muwonengi vamampha mwa abali ndi azichi?

Yehova waŵika ukongwa mtima pa vo tichita umampha. Ŵerengani 2 Mbiri 16:9a, pavuli paki kambiskanani fumbu ili:

• Kumbi mutuvwa wuli kuziŵa kuti Yehova waŵika ukongwa mtima waki pa vinthu vamampha vo muchita?

KUMBI MWASAMBIRANJI?

Mungawovya kuti mumpingu muje chimangu asani mugowoka kweniso mutanja mubali ndi mzichi weyosi.

Kuweriyamu

• Kumbi mungachita wuli kuti muleki kuja ndi mtima wasankhu?

• Kumbi mungachita wuli asani mwapambana maŵanaŵanu ndi Mkhristu munyinu?

• Ntchifukwa wuli mukhumbika kuyezga Yehova pa nkhani yakugowoka?

FUFUZANI

Wonani mo ntharika yo Yesu wangukamba yingatiwovye kuti tileki kuyeruzga anyidu.

Tuzganimu Mugomba (6:56)

Kumbi tikhumbika mbwenu kupepesa chinanga kuti tiwona kuti palivi cho isi tananga?

“Kupepesa Kutovya Kuti Paje Chimangu” (Chigongwi cha Alinda, November 1, 2002)

Wonani vo vinguwovya anthulumi ŵaŵi wo angukuliya mucharu cho ŵanthu asankhananga ukongwa kuti ayambi kwanjana.

Johny ndi Gideon Atinkhananga Kweni Sonu Atanjana Ukongwa (6:42)

Wonani vo mungachita kuti mumalisi nkhani asani mwayambana ndi Mkhristu munyinu kuti mumpingu muje chimangu.

“Mumalisengi Mphindanu Mwachanju” (Chigongwi cha Alinda, May 2016)