Mupaskengeku Akhristu Anyinu ‘Vinthu Vamampha’ (Mat. 12:35a)

Mwambula kukayika tosi tikhumba kupaska Akhristu anyidu ‘vinthu vamampha’ mwakuja ndi jalidu ‘lakutakatakiya wezi ku alendu’ pamwenga kuti kuja ndi jalidu lakupaska. (Ŵar. 12:13) Ŵara ndiwu anozga kuti alendu wo azamukamba nkhani kutuliya ku mipingu yinyaki apaskiki ndalama zakwende kweniso kuŵanozge chakurya. Nyengu zinyaki tingatondeka kudaniya Akhristu anyidu kunyumba kwidu chifukwa chakuti tilivi chakurya chakukwana pamwenga chifukwa chakuŵanaŵana kuti tingafiska cha. Kuŵanaŵaniya ulongozgi wo Yesu wangukambiya Marta kungatiwovya kuleka kuja ndi maŵanaŵanu ngaviyo. (Luka 10:39-42) Iyu wangukamba kuti “chigaŵa chamampha” nkhuchezga ndi kuchiska Akhristu anyidu kuluska kuŵapaska chakurya chinandi pamwenga kuŵadaniya mu nyumba yakutowa. Mwakugwiriskiya nchitu ulongozgi wenuwu, tosi tingagaŵiya Akhristu anyidu ‘vinthu vamampha’ mwakukoliyana ndi Mazu ngaku Chiuta.​—3 Yoh. 5-8.