Kumbi Mazu Ngaku Chiuta Ngatitiwovya Kusintha Umoyu Widu?

Kuŵerenga Bayibolu zuŵa lelosi kungatiwovya kuti tije ndi “chivwanu chakukho.” (Ŵakol. 2:6, 7) Kweni kuti Mazu Ngaku Yehova ngatiwovyi tikhumbika kulunguruka ndi kugwiriskiya ntchitu vo tisambira. (Ŵah. 4:12; Yak. 1:22-25) Lemba la Yoswa 1:8, likamba vinthu vitatu vo tikhumbika kuchita asani tiŵerenga: (1) Tiŵerengengi Bayibolu “musana ndi usiku.” (2) “Tiŵanaŵaniyengi” vo taŵerenga. Ivi ving’anamuwa kuti tikhumbika cha kuŵerenga mwakuthaŵiliya. Ndipuso asani tiŵerenga, tichitengi nge tiwona mo vinthu venge pa nyengu yo. (3) Tiyesesengi “kuchita vosi vo vikulembeka.” Kugwiriskiya ntchitu masachizgu yanga kungatiwovya kuti vinthu vitiyendiyengi umampha ndipuso kuti tichitengi “vinthu mwazeru” nyengu zosi.