‘Yendani mu Chivwanu, mu Vakuwoneka ndi Masu Cha’
Yerusalemu wechendabwanganduliki, wakutumika Paulo wangulemba kuti Akhristu ŵenge asilikali ndipu akumanengi ndi masuzu. Wangulemba so kuti akhumbika cha kujiŵikiya chuma kuti aje ndi umoyu wapachanya. (2 Tim. 2:3, 4) Chifukwa chakuti tikumanengi ndi masuzu ngakulu m’charu ichi tikhumbika kuja ndi chivwanu chakukho kuti tilutilizi kuteŵete Yehova mwakugomezeka. (2 Ŵakor. 4:18; 5:7) Woneriyani vidiyo yakuti ‘Yendani mwa Chikhulupiriro, Osati mwa Zooneka ndi Maso.’ (Wonani pa jw.org, ndipu julani pa mutu wakuti MABUKU > MAVIDIYO.) Wonani masuzu ngo Nahamu kweniso Abitali angukumana nangu chifukwa cha kwanja vinthu vakuliŵavu. Pavuli paki, kambisanani mafumbu yanga:
(1) Kumbi “chinthu chaunyakazi” cho chinguma mu malu ngakupatulika chenga chinthu wuli, nanga nchinthu wuli cho Akhristu wo ajanga ku Yerusalemu akhumbikanga kuchita? (Mat. 24:15, 16, w13 7/15 peji 3 mpaka 7) (2) Nchifukwa wuli ŵanthu akhumbikanga kuja ndi chivwanu kuti atuwi mu msumba wa Yerusalemu? (3) Kumbi ŵanthu akhumbikanga kusiya vinthu wuli pakutuwa mu msumba wa Yerusalemu? (4) Nchifukwa wuli Nahamu ndi Abitali anguswera kutuwa mu Yerusalemu? (Mat. 24:17, 18) (5) Kumbi Rakelu wangukumana ndi chiyesu wuli pa nyengu yo watuwanga mu Yerusalemu? (Mat. 10:34-37; Marko 10:29, 30) (6) Kumbi Etani wangulongo wuli kuti wenga ndi chivwanu chakukho kweniso kuti wathembanga Yehova? (7) Kumbi Akhristu angukumana ndi masuzu wuli ku Pela? (8) Kumbi chivwanu chaku Nahamu ndi Abitali chingumala wuli? (9) Kumbi Yehova wanguŵaphwere wuli Akhristu wo ajanga ku Pela? (Mat. 6:33; 1 Tim. 6:6-8) (10) Kumbi tingayezga wuli chivwanu chaku Abrahamu ndi Sara po umaliru wepafupi? (Ŵah. 11:8-10) (11) Nchifukwa wuli Nahamu ndi Abitali anguwere ku Yerusalemu, nanga nchifukwa wuli tingakamba kuti anguchita umampha cha? (Luka 21:21) (12) Kumbi vinthu venga wuli ku Yerusalemu pa nyengu yo Nahamu ndi Abitali anguwere ku msumba wenuwu? (13) Nchifukwa wuli tikhumbika kuja ndi chivwanu chakukho umaliru wechendazi?—Luka 17:31, 32; 21:34-36.
Kwenda mu chivwanu kung’anamuwa (1) kugomeza vo Yehova wakamba, (2) kugwiriskiya ntchitu ulongozi wo Yehova watitipasa, ndipuso (3) kuwona kuti vinthu vauzimu vakukhumbika ukongwa kuluska vinthu vakuliŵavu. Mwaviyo tikhumbika kusimikiza mtima kwenda mwachivwanu ndipuso kugomeza kuti “charu chiluta limoza ndi vakukhumba vaki kweni yo wachita khumbu laku Chiuta wazamuja kwa muyaya.”—1 Yoh. 2:17.