LAYIBULARE YA PA INTANETI
Watchtower
LAYIBULARE YA PA INTANETI
Chitonga (Malawi)
  • BAYIBOLU
  • MABUKU
  • MAUNGANU
  • jy mutu 5 p. 18-p. 19 ndimi 6
  • Kumbi Yesu Wanguwiya Nunkhu Ndipu Wanguwaku Zukwanji?

Vidiyo yo mwasankha palivi.

Pepani, vidiyo iyi yikana kujula.

  • Kumbi Yesu Wanguwiya Nunkhu Ndipu Wanguwaku Zukwanji?
  • Yesu Ndi Nthowa, Uneneska ndi Umoyu
  • Nkhani Yakuyanana
  • Angelu akambiya aliska a viŵetu za kuwakku kwaku Yesu
    Sambirani Nkhani za m’Bayibolu
  • Yesu Wanguwiya M’khola
    Buku Langu la Nkhani za m’Bayibolo
  • Wanguŵika Mazu Ngosi “Mumtima Waki”
    Yezgani Chivwanu Chawu
  • Kumbi Yesu Wanguwa mu December?
    Kumbi Bayibolo Lisambizanji Weniukongwa?
Wonani Vinandi
Yesu Ndi Nthowa, Uneneska ndi Umoyu
jy mutu 5 p. 18-p. 19 ndimi 6
Mariya waja pabulu ndipu Yosefi waluta nayu ku Betelehemu

MUTU 5

Kumbi Yesu Wanguwiya Nunkhu Ndipu Wanguwaku Zukwanji?

LUKA 2:1-20

  • YESU WANGUWIYA KU BETELEHEMU

  • ALISKA ANGULUTA KUCHIWONA YESU

Kayisara Ogasito yo wenga fumu ya Ufumu wa Roma, wangulamula kuti munthu weyosi waluti kwawu kuti wakalembesi. Mwaviyo, Yosefi ndi Mariya akhumbikanga kuluta kutawuni ya Betelehemu, kumwera kwa Yerusalemu. Kwenuku ndiku kwenga kumuzi waku Yosefi.

Tawuni ya Betelehemu yinguzaza ndi ŵanthu wo anguza kuzilembesa. Chifukwa cha venivi, kwenga kwakusuzga kusaniya malu ngakugona, mwakuti Yosefi ndi Mariya angugona mukhola la viŵetu. Mwenumu ndimu Yesu wanguwiya. Mariya wangumuvunga musalu ndi kumugoneka muchakuryisiyamu viŵetu.

Chiuta watenere kuti ndiyu wanguchitiska Kayisara Ogasito kujalikisa dangu lakuti ŵanthu akalembesi. Ntchifukwa wuli tikamba viyo? Chifukwa venivi vinguchitiska kuti Yesu wakawiyi ku Betelehemu, tawuni yo mwajanga Fumu Davidi ambuyaki. Malemba ngangukambiya limu kweche vyaka vinandi kuti tawuni yeniyi ndiyu mwatingi muwiyengi Fumu yo yingulayizgika.—Mika 5:2.

Usiku wo Yesu wanguwiya wenga wapade ukongwa! Aliska wo aliskanga viŵetu kudondu anguwona ukweru wakuziziswa wo unguzunguliya malu ngo anguja. Ukweru wenuwu ungulongo unkhankhu waku Yehova! Mungelu yumoza waku Chiuta wanguŵakambiya kuti: “Mungachitanga mantha cha. Nditikukambiyani uthenga wamampha wa likondwa likulu lo ŵanthu wosi aŵengi nalu. Chifukwa msanawale mutawuni yaku Davidi mwakuwiyani mtaski, yo ndi Khristu Ambuya. Ndipu vo vakukuwovyani kuti mukamuziŵi ndi ivi: Mwamusaniya bonda yo amuvunga musalu ndipu amugoneka muchakuryisiyamu viŵetu.” Mwamabuchibuchi, panguza so angelu anyaki ndipu akambanga kuti: “Unkhankhu kuchanya kwaku Chiuta ndipuso chimangu pacharu chapasi pakati pa ŵanthu wo Chiuta wakondwa nawu.”—Luka 2:10-14.

Mariya, Yosefi ndi aliska aleresa Yesu yo wagona mwakuryisiyamu viŵetu

Angelu ŵati atuwapu, aliska angwamba kukambiskana kuti: “Tiyeni tiluti ku Betelehemu, tingatondekanga cha, tikawoni vo vachitika, vo Yehova watiziŵisa.” (Luka 2:15) Yiwu anguluta mwaliŵi ndipu anguchimusaniya nadi Yesu kumalu ngo mungelu wanguŵakambiya. Aliska ŵenaŵa akambiyanga ŵanthu vo mungelu wanguŵakambiya. Ndipu weyosi yo wanguvwa nkhani iyi wanguzizwa ukongwa. Mariya wangusunga vosi vo aliska angukamba ndipu waŵanaŵaniyanga vo mazu ngenanga ngang’anamuwa.

Mazuŵa nganu, ŵanthu anandi agomezga kuti Yesu wanguwa pa 25 December. Kweni mu December ku Betelehemu ndi nyengu ya vuwa ndipuso kuzizira ukongwa. Mu nyengu iyi aliska angaluta cha kudondu usiku kuti akaliski viŵetu. Kweniso fumu ya Roma yatingi yiŵakambiyengi cha ŵanthu wo alekanga kali kukondwa ndi ulamuliru waki kuti ayendi kwa mazuŵa nganandi munyengu yakuzizira kuchilembesa. Kweni viwoneka kuti Yesu wanguwa mu chihanya, panyaki mu mwezi wa October.

  • Ntchifukwa wuli Yosefi ndi Mariya akhumbikanga kuluta ku Betelehemu?

  • Kumbi ntchinthu wuli cho chinguchitika usiku wo Yesu wanguwiya?

  • Ntchifukwa wuli vakuvwika cha kukamba kuti Yesu wanguwa pa 25 December?

    Mabuku nga Chitonga (1996-2025)
    Tuwanipu
    Sereni
    • Chitonga (Malawi)
    • Tumizani
    • Vo Mukhumba
    • Copyright © 2025 Watch Tower Bible and Tract Society of Pennsylvania
    • Fundu zo Mutenere Kulondo
    • Nkhani Yakusunga Chisisi
    • Kusintha Vinthu Vachisisi
    • JW.ORG
    • Sereni
    Tumizani