Vo Akutolana Angachita Kuti Nthengwa Yawu Yije Yakukho

Abrahamu ndi Sara ntchakuwoniyapu chamampha ku ŵanthu akutolana chifukwa ayanjananga ukongwa kweniso atumbikananga. (Chiya. 12:11-13; 1 Petu. 3:6) Chinanga kuti venga viyo, nthengwa yawu yenga yakufikapu cha. Nawu akumananga ndi masuzgu mu nthengwa yawu. Kumbi ŵanthu akutolana angasambiranji kwaku Abrahamu ndi Sara?

Mukambiskanengi. Mungakwiyanga cha asani munyinu walongoro mazu ngaheni chifukwa chakuti wakwiya pamwenga waguŵa. (Chiya. 16:5, 6) Musaniyengi nyengu yakucheze. Yo mukutolana nayu wangaziŵa kuti mutimuyanja chifukwa cha mo mulongolore nayu kweniso mo muchitiya nayu vinthu. Chakuluska vosi, wonesesani kuti muchitiya limoza vinthu vo vingakuwovyani kuti muje pa ubwezi ndi Yehova. Musambiriyengi limoza Bayibolu, mupempheriyengi limoza, kweniso muchitiyengi limoza kusopa kwa pabanja. (Waku. 4:12) Nthengwa yakukho yitumbika Yehova, yo wakujalikiska ndondomeku yakupaturika yeniyi.

WONERIYANI VIDIYO YA SUMU YAKUTI VO MUNGACHITA KUTI NTHENGWA YINU YIJE YAKUKHO, PAVULI PAKI MUKANI MAFUMBU YANGA:

• Muvidiyo iyi, ndi vinthu wuli vo vilongo kuti nthengwa yaku Shaan ndi Kiara yingwamba kuwayawaya?

• Kumbi kukambiskana mwakufwatuka nkhwakukhumbika wuli mu nthengwa?

• Kumbi chakuwoniyapu chaku Abrahamu ndi Sara chingumuwovya wuli Shaan ndi Kiara?

• Kumbi Shaan ndi Kiara anguchitanji kuti nthengwa yawu yije so yakukho?

• Ntchifukwa wuli ŵanthu akutolana akhumbika cha kukhazga kuti nyengu zosi vinthu viyendengi umampha pe mubanja lawu?