Yehova Wavikiliya Ŵanthu Ŵaki

Pasika wakwamba yo Ayisirayeli anguchita wenga wakukhumbika ukongwa. Usiku wa zuŵa lenili, Farawo wati waziŵa kuti mwana waki wakwamba wafwa, wangukambiya Mozesi kuti: “Sokani, tuwanipu pakati pa ŵanthu ŵangu, yimwi ndi Ayisirayeli anyaki wosi. Lutani kuchiteŵete Yehova, nge mo mwakambiya.” (Chitu. 12:31) Pa zuŵa ili, Yehova wangulongo kuti wavikiliya ŵanthu ŵaki.

Mwakukoliyana ndi mbiri ya ŵanthu aku Yehova mazuŵa nganu, pe ukaboni wakukwana wakulongo kuti Yehova walutirizga kulongozga kweniso kuvikiliya ŵanthu ŵaki. Mbiri yeniyi ndiyu ye ku malu ngakusungiyaku vinthu vakali ku likulu lidu ngo ngadanika kuti “Ŵanthu Wo Aziŵika ndi Zina Laku Yehova.”

WONERIYANI VIDIYO YAKUTI KUWONA MALU NGAKUSUNGIYAKU VINTHU VAKALI KU WARWICK: “ŴANTHU WO AZIŴIKA NDI ZINA LAKU YEHOVA,” PAVULI PAKI MUKANI MAFUMBU YANGA:

• 

  Kumbi ntchidya wuli cho Akusambira Bayibolu agwiriskiyanga ntchitu kwambiya mu 1914 cho chinguŵawovya kuti aligomezgengi ukongwa Bayibolu, nanga chaŵawovyanga wuli mu uteŵeti?

• 

  Kumbi ndi masuzgu wuli ngo ngangwamba mu 1916 ndi mu 1918, ndipu penga ukaboni wuli wakulongo kuti Yehova ndiyu walongozganga gulu?

• 

  Kumbi ŵanthu aku Yehova angulutirizga wuli kuja ndi chivwanu chinanga kuti asuskikanga?

• 

  Kumbi ndi fundu nizi zasonu zo ŵanthu aku Yehova anguzivwisa umampha mu 1935, nanga zinguŵakwaska wuli?

• Asani mukulutaku kuchiwona malu ngakusungiyaku vinthu vakali ku likulu lidu, ndi vinthu wuli vo munguwona vo vakuwovyani kugomezga kuti Yehova ndiyu walongozga ndipuso kuvikiliya ŵanthu ŵaki?