Buku Laku Chiuta Ndi Chuma Chakuzirwa

1. Pe buku linyaki lo mazu ngaki,

Ngazisa chimangu ndi likondwa.

Fundu zaki ze ndi nthazi ukongwa;

Litovya ŵanthu kuti asinthi.

Ndipu buku laki ndi Bayibolu.

Anthurumi ndiwu angulemba,

Amuyanjanga ukongwa Yehova,

Mzimu waki ndiwu ungawovya.

2. Angulemba nkhani ya chilengedu,

Mo Chiuta wanguchipangiya.

Angulemba so va Paradayisu

Kusazgapu mo wangumaliya.

Angulemba va mungelu munyaki

Mweniyo wangunyoza Chiuta.

Vinguzisa ubudi ndi chitima,

Kweni Yehova wazamupunda.

3. Mazuŵa nganu tikondwa ukongwa:

Fumu yakusankhika yiwusa.

Tipharazga uthenga wa Ufumu

Vitumbiku vaki tipharazga.

M’buku laki mwe vinthu vamamphadi;

Mwe phwandu likulu lo tingarya.

Lititipasa chimangu chikulu;

Titenere kuliŵerengadi.