FUMBU 2
Kumbi mungachita wuli kuti musambiri vakukwaskana ndi Chiuta?
“Buku ili la Dangu lingatuwangapu cha pamulomu paku ndipu uliŵerengengi ndi kulunguruka msana ndi usiku, kuti usungi mwakuphwere vosi vo valembekamu; pakuti asani uchitengi viyo, vinthu vikuyendiyengi umampha ndipuso uchitengi vinthu mwazeru.”
“Alevi angulutirizga kuŵerenga mwakukweza buku la Dangu laku Chiuta wauneneska, kulivwikisa kweniso kukonkhoska vo ling’anamuwa. Mwaviyo anguwovya ŵanthu kuvwisa vo vaŵerengekanga.”
“Ngwakukondwa munthu yo waleka kwenda mwakukoliyana ndi ulongozgi wa ŵanthu aheni . . . , kweni wakondwa ndi dangu laku Yehova, ndipu waŵerenga ndi kulunguruka dangu Laki msana ndi usiku. . . . Ndipu vosi vo wachita vimuyendiyengi umampha.”
“Filipu wangutchimbiya mpaka kwamba kulongozgana nalu ndipu wangumuvwa wachiŵerenga buku la mchimi Yesaya. Sonu wangumufumba kuti: ‘Kumbi utiviziŵa vo uŵerenga?’ Iyu wangukamba kuti: ‘Ndingaziŵa wuli kwambula kuti munthu munyaki wandikonkhoske?’”
“Kutuliya po charu chikulengeke kuluta munthazi, mijalidu yaki yambula kuwoneka, kung’anamuwa nthazi zaki zambula kumala ndipuso udindu waki wakuti ndi Chiuta, yiwoneke umampha mu vinthu vo iyu wakulenga. Ve viyo kuti yiwu asoŵi pakugwenthe.”
“Ulungurukengi vinthu venivi; utangwanikengi ndi venivi, kuti ŵanthu wosi awoni kuti uluta panthazi.”
“Tiyeni tiŵanaŵaniyanengi kuti tichiskiyani ku chanju ndi ku ntchitu zamampha, ndipu tingalekanga cha kuwungana pamoza.”
“Asani munthu munyaki wasoŵa zeru, walutirizgi kupempha kwaku Chiuta ndipu wamupaskengi, pakuti iyu wapereka ndi mtima wosi kwaku weyosi ndipuso wakontho cha.”