BOKOSI 18A
Yehova Watcheŵeska Vakukwaskana Ndi Nkhondu Yikulu Yo yituza
Mu Bayibolu mwe mauchimi nganandi ngo ngatcheŵeska vakukwaskana ndi nkhondu yakumaliya yo Yehova wazamupeye wosi wo atimususka kweniso wo asuska ŵanthu ŵaki. Mumphata umu mwe nganyaki mwa mauchimi ngenanga. Wonani kuyanana kwa mauchimi ngakutcheŵeska ngenanga kweniso wonani kuti Yehova wachitapu kanthu kuti ŵanthu wosi aje ndi mwaŵi wakuvwa mauchimi yanga ndi kuchitapu kanthu.
MU NYENGU YA AYISIRAYELI
EZEKIYELI: “‘Ndazamudana lipanga kuti liyukiyi [Gogi] pamapiri ngangu ngosi,’ Yehova, Ambuya Fumu Yikulu ndiyu wakamba.”—Ezeki. 38:18-23.
YEREMIYA: “[Yehova] wayeruzgengi ŵanthu wosi. Ndipu ŵanthu aheni waŵabayengi ndi lipanga.”—Yere. 25:31-33.
DANIYELI: “Chiuta wakuchanya wazamujalikiska ufumu wo. . . wazamuphwanya ndi kutuzgapu maufumu ngosi ngenanga.”—Dani. 2:44.
MU NYENGU YA AKUTUMIKA
YESU: “Kwazamukuŵa chisuzgu chikulu cho chechendachitikepu kutuwa po charu chikulengeke mpaka sonu, ndipu chazamuchitikapu so cha.”—Mate. 24:21, 22.
PAULO: “Yesu . . . ndi angelu ŵaki anthazi . . . azamuweze ŵanthu wo aleka kuziŵa Chiuta.”—2 Ate. 1:6-9.
PETURO: “Zuŵa laku Yehova lizengi nge munkhungu, . . . ndipu charu chapasi limoza ndi ntchitu zaki vazamuwoneke pakweru.”—2 Petu. 3:10.
YOHANE: “Mumulomu mwaku [Yesu] mutuwa lipanga lakuthwa, litali lo wakhumba kubayiya mitundu ya ŵanthu.”—Chivu. 19:11-18.
MAZUŴA NGANU
Bayibolu ndi buku lo lifwatulikiya ukongwa kweniso ligaŵika ukongwa nyengu zosi
ATEŴETI AKU YEHOVA A MAZUŴA NGANU . . .
Agaŵiya mabuku mabiliyoni nganandi ngo ngakonkhoska Bayibolu mu vineneru mahandiredi
Amaliya maola mamiliyoni nganandi chaka chechosi pakupharazga