Kumbi Tingachita Wuli Kuti Tisopengi Chiuta nge po Iyu Wakhumbiya?

Nge po tinguwone mu Sambiru 13, visopa vinyaki vitimukondwesa cha Chiuta. Chinanga kuti veviyo, tingasopa Mlengi widu mu nthowa yo wakondwa nayu. Kumbi tingachita wuli kuti Chiuta wakondwengi ndi “kusopa” kwidu? (Yakobe 1:27) Tiyeni tiwoni vo Bayibolu likamba.

1. Kumbi vo tichita pakusopa Chiuta vikhumbika kutuliya pani?

Vo tichita pakusopa Chiuta vikhumbika kutuliya mu Bayibolu. Yesu wangukambiya Chiuta kuti: “Mazu nginu mbuneneska.” (Yohane 17:17) Visopa vinyaki vitiwutoliyaku kanthu cha uneneska wa mu Bayibolu. Mumalu mwaki, atende waka fundu ndipuso zeru za ŵanthu. Kweni Yehova wakondwa nawu cha wo ‘aleka kuvwiya dangu laki.’ (Ŵerengani Mariko 7:9.) Iyu wakondwa asani pakumusopa tilondo ndi kuchita vo Bayibolu likamba.

2. Kumbi tingamusopa wuli Yehova?

Pakuti Yehova ndi Mlengi widu, tikhumbika kujipereka kwaku iyu pe. (Chivumbuzi 4:11) Ivi ving’anamuwa kuti tikhumbika kwanja kweniso kusopa iyu pe mbwenu. Ndipuso pakumusopa, tikhumbika cha kugwiriskiya ntchitu angoza pamwenga vikozgu.—Ŵerengani Yesaya 42:8.

Kusopa kwidu kukhumbika kuja ‘kwakupaturika kweniso kwakuzomerezeka’ ndi Yehova. (Aroma 12:1) Ivi ving’anamuwa kuti tikhumbika kuvwiya marangu ngaki. Mwakuyeruzgiyapu, wo atanja Yehova, alondo marangu ngo iyu wakupereka pa nkhani ya nthengwa. Kweniso achitaku cha vinthu viheni nge kukweŵa foja, kugwiriskiya ntchitu munkhwala wakutimbanyizga wongu pamwenga kuloŵe.a

3. Ntchifukwa wuli tikhumbika kusopa Yehova limoza ndi Akaboni aku Yehova anyidu?

Maunganu ngo tichita sabata yeyosi ngatitiwovya kuti ‘tithamikengi Yehova . . . mu mpingu.’ (Salimo 111:1, 2) Tichita venivi asani titumba sumu zakuthamika Chiuta. (Ŵerengani Salimo 104:33.) Yehova wakhumba kuti tiwunganengi chifukwa chakuti watitiyanja kweniso waziŵa kuti maunganu ngangatiwovya kuti tikondwengi ndi umoyu sonu ndipuso mpaka muyaya. Kweniso asani te pa maunganu tichiskana.

SAMBIRANI VINANDI

4. Tikhumbika cha kugwiriskiya ntchitu vikozgu pakusopa Chiuta

VIDIYO: Kumbi Chiuta Wazomereza Kugwiriskiya Ntchitu Vikozgu Pakusopa? (3:29)

• Nge po tawone mu vidiyo, ntchinthu wuli cho chinguchitika mu nyengu yakali po ŵanthu anyaki akhumbanga kusopa Chiuta mwakugwiriskiya ntchitu ngoza?

Ŵanthu anyaki agwiriskiya ntchitu vikozgu pakusopa Chiuta chifukwa akhumba kuti ajivwengi kuti ŵe pafupi ndi iyu. Kumbi iyu wakondwa nadi ndi ŵanthu wo achita venivi? Ŵerengani Ekisodo 20:4-6 ndi Salimo 106:35, 36, ndipu pavuli paki kambiskanani mafumbu yanga:

• Kumbi ndi vikozgu wuli pamwenga vinthu vinyaki nivi vo mukuwonapu ŵanthu achigwiriskiya ntchitu pakusopa?

• Kumbi Yehova wazomereza kuti ŵanthu agwiriskiyengi ntchitu vikozgu?

• Kumbi yimwi muwona kuti mbumampha kugwiriskiya ntchitu vikozgu pakusopa Chiuta?

5. Kusopa Yehova pe kutitifwatuwa ku fundu zaboza

VIDIYO: Uneneska Ukundifwatuwa (5:16)

Ŵerengani Salimo 91:14, ndipu pavuli paki kambiskanani fumbu ili:

• Kumbi Yehova wakamba kuti watichitiyengenji asani tisopa iyu pe chifukwa chakuti titimuyanja?

6. Tisopa Chiuta pa maunganu nga mpingu

Pa maunganu nga mpingu, tithamika Yehova ndipuso tichiskana asani titumba sumu kweniso asani timukapu. Ŵerengani Salimo 22:22, ndipu pavuli paki kambiskanani mafumbu yanga:

• Kumbi ndemanga zo abali apereka pa maunganu zitikukondwesani?

• Kumbi namwi mungayanja kuti mukamukepu?

7. Yehova wakondwa asani tikambiyaku anyidu vo tisambira

Pe nthowa zinandi zo tingakambiyaku ŵanthu anyaki uneneska wa mu Bayibolu. Ŵerengani Masalimo 9:1 ndi 34:1, ndipu pavuli paki kambiskanani fumbu ili:

• Kumbi ndi vinthu nivi vo mwasambira mu Bayibolu vo mungakambiyaku munthu munyaki?

KUMBI MWASAMBIRANJI?

Tikondwesa Mlengi widu asani tisopa iyu pe, titimuthamika pa maunganu nga mpingu kweniso asani tikambiyaku anyidu vo tasambira.

Kuweriyamu

• Kumbi tingachita wuli kuti tiziŵi mo tingasope Chiuta mwakwenere?

• Ntchifukwa wuli tikhumbika kusopa Yehova pe?

• Ntchifukwa wuli tikhumbika kusope limoza ndi ŵanthu anyaki wo akhumba kukondwesa Chiuta?

FUFUZANI

Mu nkhani ya mutu wakuti “Ndikuleka Kusopa Angoza,“ wonani mo munthukazi munyaki wanguleke kusopa angoza.

“Bayibolu Lisintha Ŵanthu” (Chigongwi cha Alinda, July 1, 2011)

Ŵerengani nkhani iyi kuti muziŵi vo mungachita kuti mumukengepu pa maunganu nga mpingu.

“Muthamikengi Yehova pa Maunganu” (Chigongwi cha Alinda, January 2019)

Wonani mo maunganu nga mpingu nganguwovye mnyamata munyaki chinanga kuti pakwamba vamusuzganga kuti waluti ku maunganu.

Yehova Wangundiwovya (3:07)

Ŵanthu anandi awona kuti mphinjika yimiya Chikhristu, kweni kumbi tikhumbika nadi kuyigwiriskiya ntchitu?

“Nchifukwa Wuli Akaboni aku Yehova Aleka Kugwiriskiya Nchitu Mphinjika Pakusopa?” (Nkhani ya pa webusayiti)