Kumbi pe Chisopa cho Mungachigomezga?

Asani mukuguŵiskikapu ndi chisopa chinyaki, kungaja kwakusuzga kugomezga chisopa chechosi. Kweni ziŵani kuti chilipu chisopa cho mungachigomezga. Pa nyengu yo Yesu wenga pacharu chapasi, wanguwunganiska akumulondo ŵaki akugomezgeka ndipu wanguŵakambiya kuti agwiriskiyengi nchitu fundu zaku Chiuta pa umoyu wawu. Mazuŵa nganu pe so Akhristu akugomezgeka wo alondo nadi Khristu ndipu atesesa kugwiriskiya nchitu fundu za Chikhristu pa umoyu wawu. Kumbi mungaŵasaniya nunkhu?

Estelle, yo tamuzumbuwa mu nkhani yachiŵi wangukamba kuti: “Ndingwamba kusambira Bayibolo ndati ndakumana ndi Akaboni aku Yehova. Vingunditole nyengu yitali cha kuziŵa vo lemba la Yohane 8:32, likamba. Ilu lititi: ‘Muziŵengi uneneska, ndipu uneneska wo usanduskengi imwi ŵanangwa.’”

Ray, yo tamuzumbuwa mu nkhani yachitatu, wangukamba kuti: “Ndati ndayamba kusambira Bayibolo ndi Akaboni aku Yehova, ndinguziŵa kuti ndi Chiuta cha yo wachitiska kuti ŵanthu asuzgikengi. Ndingukondwa ukongwa kuziŵa kuti pe chifukwa chakuvwika cho Chiuta wazomerezge kuti vinthu viheni vichitikengi ndipuso walayizga kuti pambula kuswera yapa wavituzgengepu.”

Kukamba uneneska, nkhwakusuzga kuchita vinthu vamampha po ŵanthu anandi alivi mijalidu yamampha. Kweni tikhoza kufiska kuchita vinthu vamampha. Ŵanthu anandi akhumba kuwovyeka kuti aziŵi Bayibolo ndi kuligwiriskiya nchitu. Ndichu chifukwa chaki Akaboni aku Yehova asambiza ŵanthu Bayibolo pacharu chosi chapasi kwa wezi. Sabata yeyosi, ŵanthu anandi asambira Bayibolo. Venivi vichitiska kuti andere kufupi ndi Mulengi wawu ndipuso aje ndi umoyu walikondwa.a

Asani mwazikumana ndi Akaboni aku Yehova zuŵa linyaki, muziŵafumbi chifukwa cho agomezge chisopa chawu. Mufufuzi vo asambira ndipuso asani ativigwiriskiya nchitu. Pavuli paki, muziŵengi asani pe chisopa cho mungachigomezga.

[Mazu ngam’mphata]

[Chithuthuzi papeji 7]

[Fundo yo yakonkhoskeka papeji 7]

Afumbeni Akaboni aku Yehova chifukwa cho agomezge chisopa chawu