Kuweriyamu mu vo Tikusambira mu Sukulu ya Uteŵeti Waku Chiuta
Mafumbu yanga mwazamukambiskana pa Sukulu ya Uteweti Waku Chiuta, sabata yakwambiya April 25, 2011. Wakuwonere Sukulu wazamulongoza mafumbu ngakuweriyamu ngo ngatuliya pa nkhani zo tikusambira kwambiya sabata ya March 7 mpaka April 25, 2011, kwa maminiti 20.
1. Kumbi “ŵanthu ŵanandi mukati mu ŵeneku ŵa charu ŵangujichita kuŵa ŵaYuda” mu nthowa wuli? (Estere 8:17) [w06-CN 3/1 peji 11 ndimi 3]
2. Nchifukwa wuli Satana wanguzomerezgeka kuwoneke pamasu paku Yehova? (Jobu 1:6; 2:1) [w06-CN 3/15 peji 13 ndimi 6; it-2 peji 16 ndimi 4]
3. Kumbi Satana wang’anamuwanganji pakufumba kuti “Kumbi Jobu watopa Ambuya ŵaka viyo”? (Jobu 1:9) [w94-CN 11/15 peji 11 ndimi 6]
4. Kumbi kuziŵa kuti Yehova “ngwazeru mu mtima ndi wakurimba mu nthazi” kutitiwovya wuli kuti timugomezgengi? (Jobu 9:4) [w07-CN 5/15 peji 25 ndimi 16; it-2 peji 1190 ndimi 3]
5. Kumbi fundu yo wangukamba Elifazi yakuti munthu watumwa “kwananga nge ndi maji” yilongo wuli maŵanaŵanu ngaku Satana? (Jobu 15:16) [w10-CN 2/15 peji 20 ndimi 1-2]
6. Kumbi tisambiranjipu pa dandawulu laku Jobu lo titiliŵerenga pa Jobu 19:12? [w94-CN 10/1 peji 32 ndimi 1-5]
7. Kumbi nchine cho chinguwovya Jobu kusunga uzirima waki? (Jobu 27:5) [w09 4/15 peji 6 ndimi 17]
8. Kumbi tingayezga wuli Jobu asani anyidu apenjeka chovyu? (Jobu 29:12, 13) [w02-CN 5/15 peji 22 ndimi 19; w94-CN 9/15 peji 24 ndimi 2]
9. Kumbi ulongozgi waku Elihu ungupambana wuli ndi wa anyaki aku Jobu ŵatatu? (Jobu 33:1, 6) [w95-CN 2/15 peji 29 ndimi 3]
10. Kumbi kuŵanaŵaniya pa nchitu zakuziziswa zaku Yehova kutenere kutikwaska wuli? (Jobu 37:14) [w06-CN 3/15 peji 16 ndimi 4]