Vakuchitika

Mulongongi Lisungu Ŵanthu Wosi

Zuŵa linyaki mzichi munyaki wa ku New Zealand wanguwonere vidiyo ya mutu wakuti, ‘Tizisamalirana.’ Vidiyo yeniyi yikonkhoska kuti Yehova watiŵachitiya ŵaka lisungu pe cha ŵanthu kweni wachitapu kanthu. (Yesa. 63:​7-9) Iyu wanguwona kuti wagwiriskiyi ntchitu vo wasambira mu vidiyo yeniyi mwakuwovya munthu munyaki. Pa zuŵa lenili, pa nyengu yo wagulanga vinthu wangukumana ndi ma munyaki wakupemphesa ndipu wangumukambiya kuti wamuguliyengi chakurya. Ma mwenuyu wanguzomera. Wati wamupaska chakurya, wangumupharazgiya ndipu wangugwiriskiya ntchitu kapepala kakuti, Kumbi Masuzgu Ngamalengi?

Ma uyu wangwamba kuliya. Iyu wangulereke mu uneneska kweni wanguluta panthazi cha. Kweni pambula kuswera yapa, iyu waja wachipemphera kwaku Yehova kuti wamuwovyi kuti wawere kwaku Iyu. Mzichi yo wangumupharazgiya wangumupaska Bayibolu ndipu angukoliyana kuti ayambi kusambira Bayibolu.a

Nasi tingamuyezga Yehova mwakulongo lisungu ŵanthu wosi kusazgapu abali ŵidu kweniso Akhristu anyidu mu mpingu. Ndipuso tingalongo lisungu mwakupharazgiya ŵanthu anyaki vakukwaskana ndi Yehova.