Akhristu Akukhwima Mwauzimu Asankha Vinthu Mwazeru

Ŵerengani Genezesi 25:​29-34 kuti muziŵi asani Esawu ndi Yakobe angusankha vinthu mwazeru.

Sambirani vinandi mu nkhani yosi. Ntchinthu wuli cho chinguchitika pakwamba? (Gene. 25:​20-28) Nanga ntchinthu wuli cho chinguchitika pavuli paki?—Gene. 27:​1-46.

Fufuzani vinandi pa nkhani yo. Kumbi ŵana akwamba kuwaku ŵenga ndi mwaŵi wapade kweniso udindu wuli pa nyengu yo?—Gene. 18:​18, 19; w10-CN 5/1 13.

• Kumbi munthu wakhumbikanga kuja mwana munthulumi wakwamba pe kuti waje mpapi waku Mesiya? (w17.12 14-15)

Ŵanaŵaniyani vo musambirapu ndipu vigwiriskiyeni ntchitu. Ntchifukwa wuli Yakobe wawonanga kuti mwaŵi wakuja mwana wakwamba kuwaku ntchinthu chakuzirwa ukongwa kuluska mo Esawu wawoniyanga? (Ahe. 12:​16, 17; w03-CN 10/15 28-29) Kumbi Yehova waŵawonanga wuli anyamata ŵenaŵa, nanga ntchifukwa wuli? (Mala. 1:​2, 3) Kumbi Esawu wakhumbikanga kuchitanji kuti wasankhi umampha vinthu?

• Jifumbeni kuti, ‘Kumbi ndingalongo wuli kuti ndiwona kuti kusopa Yehova nkhwakukhumbika ukongwa pa vo ndichita sabata yeyosi, nge kusaniya nyengu yakuchitiya kusopa kwa pabanja nyengu zosi?’