Nozgekeresani Mtima Winu

Asani tisambira Bayibolu, tikhumba kuti vinthu vo tisambira vakukwaskana ndi Yehova vikwaskengi mtima widu pamwenga wunthu widu wa mukati. Ezara ntchakuwoniyapu chamampha pa nkhani yeniyi chifukwa iyu “wangunozgekeresa mtima waki kuti wasambiri Dangu laku Yehova.” (Ezara 7:10) Kumbi tinganozgekeresa wuli mtima widu?

Mupempherengi. Mwechendayambi kusambira, mupempherengi dankha. Mupempheni Yehova kuti wakuwovyeni kuvwisa kweniso kugwiriskiya ntchitu vo musambira.—Salimo 119:​18, 34.

Mujengi akujiyuyuwa. Chiuta watiŵabisa uneneska ŵanthu akujikuzga wo awona kuti akhumbika chovyu chaki cha kuti avwisi Bayibolu. (Luka 10:21) Mutenere cha kusambira vinthu ndi chilatu chakuti mujiwonesengi ku ŵanthu anyaki kuti muziŵa vinandi. Sinthani maŵanaŵanu nginu asani mwawona kuti ngakoliyana cha ndi ngaku Chiuta.

Muvwisiyengi sumu zidu. Sumu ze ndi nthazi yakunozgekeresa mtima widu techendayambi kusopa. Mwaviyo, kuvwisiya sumu zidu mwechendayambi kusambira kungakuwovyani kuti munozgekeresi mtima winu.