Kumbi Akaboni aku Yehova Apereka Vachitchumi?

Awa, Akaboni aku Yehova apereka vachitchumi cha. Nchitu yidu yitovyeka ndi ndalama zo ŵanthu apereka mwakukhumba kwawu kweniso mwambula kujiwonesa. Kumbi vachitchumi ndi vinthu wuli, nanga nchifukwa wuli Akaboni aku Yehova apereka cha vachitchumi?

Ayisraele ndiwu angupaskika Chilangulu cho mwenga dangu lakupereka vachitchumi pamwenga kupereka chigaŵa chimoza pa vigaŵa 10. Kweni Bayibolo likamba mwakuvwika umampha kuti Chilangulu cho Ayisraele angupaskika kusazgapu dangu la “vachitchumi,” chigwira nchitu cha kwa Akhristu.​—Ŵahebere 7:5, 18; Ŵakolose 2:13, 14.

M’malu mwakupereka vachitchumi, Akaboni aku Yehova alondo vo Akhristu a m’nyengu ya akutumika achitanga ndipu apereka kwaku Yehova munthowa ziŵi: Apharazga ndi kusambiza ŵanthu kwambula kulipirika ndipuso apereka vawanangwa mwakukhumba ŵija.

Tichita ivi chifukwa tilondo ulongozgi wa m’Bayibolo wo Akhristu akupaskika wakuti: “Munthu yosi wapaski wuli ndimo wajiteme mu mtima waki; kwachigwinini cha, pamwenga kwakukakamizgika cha; chifukwa Chiuta watanja mupaski wamasangu.”​—2 Ŵakorinte 9:7.