Josefa yeyedzise gu dziphara

42:5-7, 14-17, 21, 22

U ngu dundrugeya khedzi Josefa a dzipwidego khidzo tepo a nga wonana khovbe khu khovbe ni vandriyaye? Adzina saye a di hadzi hongola a ya dzi tivegisa gwavo khavbovbo a va wugareya mwendro gu va gireya nuye esi va mu giredego. Ganiolu uye kha nga gira isoso. Ginani u na girago wa gu tshuka u pharwa khu ndziya nya mba si yadi khu va ndrangani gwago mwendro khu vambe vathu? Giyeyedzo gya Josefa gya gu hi hevbudza lisima nya gu dziphare hi bwe hi simama na hi rude vbavbandze nya gu landre esi monyo wathu wu rumago ni gu gira silo guya khu mawonelo yathu nya mba vbeleya.

U nga pimedzeya kharini Josefa avba nya giemo u tshanganago nagyo?