U nga gu mana kharini gutsaka womini nya ndranga?

Lihaladzo gilo nya gikhongolo gi resago gutsaka ndrangani. Vaefeso 5:33

Nungungulu vegide nayo nya gu khuye wugadzi wu na wumbwe khu mwama moyo ni nyamayi moyo basi.

Mwama a gu na ni lihaladzo a gu sayisa gwadi mwangadzi waye a bwe a mu pwisisa.

Mwangadzi anuye gu vbwetega gu a pwanana ni mwama waye.

Gu vbwetega gu sanana si engisa vavelegi vaso.

Haguleya wuthu ni gutumbega. U nga khali muthu nya makhuva mwendro nya gu mba tumbega. Vakolosi 3:5, 8-10

Lito la Nungungulu lari khilo gu vbwetega gu mwama a haladza mwangadzi waye kha nga edzi a haladzago khidzo mili waye; mwangadzi anuye gu vbwetega a yeyedza githavo nya gikhongolo ga mwama waye.

Gu hengeya malawu ni muthu a si rigu mwama mwendro mwangadzi wago gighoho. Gu dzega vanyamayi nya vangi nugo gighoho.

Lito la Jehovha la gu hevbudza dzindranga dzindziya nya gu mane gutsaka.