BHIBLIYOTEKA NYA SAYITI ya Torre de Vigia
BHIBLIYOTEKA NYA SAYITI
ya Torre de Vigia
Gitonga
  • BHIBHILIYA
  • MABHUKU
  • MITSHANGANO
  • fg gihevbulo 2 siwu. 1-5
  • Khu mani Nungungulu?

Gipandre u hathidego gi mwalo vhidhiyu.

Hi divaleye, hi tshanganide ni gigaradzo nyo khaguri tepo hi nga ba hi zama gu tula vhidhiyu.

  • Khu mani Nungungulu?
  • Mahungu Nya Yadi Ya Nungungulu!
  • Nyo yelane
  • Khu mani Nungungulu?
    Ginani hi hevbudzwago khu Bhibhiliya?
  • Lisine maningano ni Nungungulu ni Kristo
    Mukhedziseyi A Tivisago Mufumo wa Jehovha (nya vathu vatshavbo) — 2020
  • Khu mani Nungungulu?
    Vbanya nu tsakide kala gupindruga! — Gihevbulo nya Bhibhiliya
  • U nga hidzimeya kharini ga Nungungulu?
    Mahungu Nya Yadi Ya Nungungulu!
Mahungu Nya Yadi Ya Nungungulu!
fg gihevbulo 2 siwu. 1-5

GIHEVBULO 2

Khu mani Nungungulu?

1. Khu ginani hi yedego gu khozeya Nungungulu?

Nungungulu nya lisine khuye Muvangi nya silo satshavbo. Uye kha vangwa nigu mwalo mahegiso. (Ndzimo 90:2) Khuye Mutumbunusi nya mahungu nya yadi ma gomogo omu nya Bhibhiliya. (1 Thimoti 1:11) Kha nga olu Nungungulu a hi ningidego womi, hi yede gu khozeya uye basi. — Hevbula Gutuledwa 4:11.

2. Khade kharini Nungungulu?

Mwalo muthu a wonidego Nungungulu kholu uye Liphuvbo. Isoso sari khiso makhalelo yaye ma khugegide ngudzu guvbindra sivangwa si vbanyago mafuni. (Johane 1:18; 4:24) Ambari ulolo, hi ngu kodza gu wona makhalelo ya Nungungulu khu gu wona silo a si vangidego. Khu giyeyedzo, mihandro ni senge nya gu hambanehambane sa gu hi yeyedza lihaladzo ni guti gwaye. Wukhongolo nya litigo latshavbo wa gu hi yeyedza tshivba yaye. — Hevbula Varoma 1:20.

Hi ngu kodza guti silo nya singi ngudzu si yelanago ni makhalelo ya Nungungulu khu gu hevbula Bhibhiliya. Khu giyeyedzo, iyo ya gu hi embeya esi Nungungulu a si golago ni esi a si si goligo, edzi a khathaleyago khidzo vathu ni edzi a hlamulago khidzo sigiro nya gu hambanehambane. — Hevbula Ndzimo 103:7-10.

3. Nungungulu na ni lina?

Lina la Nungungulu, Jehovha, maranelo nya gu hambanehambane

Jesu a di khuye: ‘Babe wathu u gu romo ndzadzini, lina lago li na rungudzwe.’ (Matewu 6:9) Ambari olu Nungungulu a ranwago khu maranelo nya gu hambanehambane, uye na ni lina limwedo basi. Khu lidimi ni lidimi, lina lolo la gu ganedwa khu ndziya nya guhambane. Khu Gitonga pwani “Jehovha.” Ganiolu vambe va gu li rana khavo “Yaweh.” — Hevbula Ndzimo 83:18, A Biblia Go Basa.

Lina la Nungungulu li futidwe omu nya dziBhibhiliya nya dzingi li tshikedzwa khu maranelo nya gu khayo Pfhumu mwendro Nungungulu. Ganiolu tepo Bhibhiliya yi nga lowa khiyo, lina la Nungungulu li di gu manega malangani ma ninganago 7000. Tepo Jesu a nga hevbudza vathu khu Nungungulu tiviside lina la Nungungulu. — Hevbula Johane 17:26.

4. Ina Jehovha a ngu hi khathaleya?

Babe ni mayi va khathaleyago gyanana gyawe gi dwalago

Kha nga babe yoyu nya lihaladzo, Nungungulu a ngu gira gilogyo gasi gu hi khadzisega gwadi kala gupindruga

Gutshaniseka gu wonegago mafuni go yeyedza gu khugo Jehovha Nungungulu kha hi khathaleyi? Vambe vathu vari khavo uye a gu hi tshanisa gasi gu hi linga, ganiolu isoso khandri lisine. — Hevbula Jakobe 1:13.

Nungungulu yeyedzide gu hi khathaleya khu gu hi ninga malungelo nya gu dzi hatheye. Ina kha hi tsaki kholu hi tshulegidego gu dzi hatheya gu thumeya Nungungulu? (Josuwa 24:15) Ganiolu nya vangi vo hatha gu gira silo nya guvivbe, khu kharato, gutshaniseka gu tadzide litigo. Jehovha a ngu vbisega khu gu wona guvivba gogo. — Hevbula Genesi 6:5, 6.

Jehovha Nungungulu a ngu hi khathaleya. Uye o vbweta gu khuye hi mana gutsaka guvbanyani. Nugunugu a na fuvisa gutshaniseka ni ava va gu vangago. Na yi si gu vbohi tepo yoyo, uye na ni gighelo nya gu dzumedzise gu khuye gutshaniseka gu simama khu gitepwana. Gighelo gyogyo hi na gi wona omu nya Gihevbulo 8. — Hevbula 2 Pedro 2:9; 3:7, 13.

5. Khu yevbi ndziya nya gu hidzimeye ga Nungungulu?

Babe ni mayi va khathaleyago gyanana gyawe gi dwalago

Jehovha o vbweta gu khuye hi hidzimeya gwaye khu gu ganeya naye khu nombelo. Uye a ngu khathaleya moyo ni moyo wathu. (Ndzimo 65:3; 145:18) Dzi emisede gu divaleya sihoso. A ngu yi wona tshivba hi yi girago gasi gu mu tsakisa, ambari ha gu thuga hi hosisa. Ambari olu hi nga ne gu vbeleya, hi ngu kodza gu gira wupari nya wukhongolo ni Nungungulu. — Hevbula Ndzimo 103:12-14; Jakobe 4:8.

Kha nga olu Jehovha a hi ningidego womi, hi yede gu mu haladza guvbindra vambe vathu. (Marko 12:30) Wa gu yeyedza guhaladza gwago Nungungulu khu gu hevbula silo nya singi si yelanago naye ni gu gira esi a lombago, u na simama gu hidzimeya ga Nungungulu. — Hevbula 1 Thimoti 2:4; 1 Johane 5:3.

    Mabhuku khu Gitonga (2002-2025)
    Duga
    Beya
    • Gitonga
    • Rumeya
    • Esi u si tsakeyago
    • Copyright © 2025 Watch Tower Bible and Tract Society of Pennsylvania
    • Nayo nya mathumiselo
    • Nayo nya sihalo
    • Privacy Settings
    • JW.ORG
    • Beya
    Rumeya