Mufumu wu na Fumago Mafu Yatshavbo

U ngu wuti Mufumu hi ganeyago khuwo?— Khidzo, Mufumu wa Nungungulu. Mufumu wowo khuwo wu na vbindrugedzago mafu ma khala paradhesi. U ngu dzina guti simbe si yelanago ni Mufumu wowo?—

Yatshavbo mifumu yi na ni pfhumu. Pfhumu ya gu fuma vathu va tigoni gwayo. U ngu dziti gu khuwe khu mani Pfhumu nya Mufumu wa Nungungulu?— Khu Jesu Kristo. Uye o khala ndzadzini. Nugunugu uye a na fuma vathu vatshavbo mafuni! Ina hi na tsaka gikhati Jesu a na fumago mafu yatshavbo?—

Hi na tsaka ngudzu! Vathu Paradhesini kha va na nga dwana gambe ambari gu hongowa nyimbini. Vatshavbo va na golana. Mwalo muthu a na dwalago ambari gufa. Sikhumu si na wona, sigwiri si napwa, sikhurubwa niso si na tutuma ni gundragandraga. Vathu vatshavbo va na ba vari ni guhodza nya gungi. Sirengo si na khala dzipari nya simbe sirengo ni dzipari nya vathu. Vathu va fudego va na wuswa va vbanya gambe. Vama ni vanyamayi nya vangi u hevbudego khavo omu nya bruxura yeyi nya nga Rebheka, Rahabhe, Dhavhidhe ni Eliya, anavo va na wuswa va vbanya gambe! U ngu dzina gu vati gikhati va na wuswago?—

Jehovha a ngu gu gola nigu o vbweta gu khuye u tsaka. Wa gu simama gu hevbula khu Jehovha ni gu mu engisa, u na vbanya kala gupindruga paradhesini nya gumbure! Khiso u si vbwetago isoso?—