NDZIMO 15
Zundza Matewula ya Jehovha!
1. A na zundzwe Kristo,
Matewula ya Pfhumu.
A ngu fuma ndzadzini;
A resa makategwa,
A na agisa Lina
La Pfhumu Jehovha
Khu githawo ni ndruda.
A na mu khusedza.
(KORU)
A na zundzwe Kristo;
Todzidwe khu Jehovha,
A ningidwe Mufumo,
Olu phede gu fuma!
2. A na zundzwe Kristo,
Kholu a nga hi feya,
A hi handza gighoho,
Hi mana divalelo.
Mwangadzi waye Kristo,
Mburisedwe gwadi.
Va na tshadha ndzadzini,
Va na zundza Pfhumu.
(KORU)
A na zundzwe Kristo;
Todzidwe khu Jehovha,
A ningidwe Mufumo,
Olu phede gu fuma!
(Wona Ndzi. 2:6; 45:3, 4; Gutu. 19:8.)