NDZIMO 92
Wulanga wu ranwago khu lina lago
(1 Dzikoronika 29:16)
1. Lithomo likhongolo ngudzu
Gu vbaha wulanga wowu
Wu na rwalago lina lago
O Pfhumu yathu, Jehovha.
Satshavbo hi ningago uwe
Khuwe u hi ningidego.
Dzithomba dzathu ni satshavbo
Hi na gu ninga khu monyo.
(KORU)
Olu ha gu gu ningedza
Wulanga wowu Pfhumu.
Ho wu hendzeledza gwago,
Ha gu lomba, wu hakhe.
2. Ho vbweta gu wuzundzo wago
Wu tadza wulanga wowu.
Ha gu lomba u kategisa;
Nya vangi vati lisine
Gasi hi gu khozeya omu
Ni gu gu sayisa gwadi,
Gasi gu ninga wufakazi
Nya esi hi hevbudzago.
(Koru)
Olu ha gu gu ningedza
Wulanga wowu Pfhumu.
Ho wu hendzeledza gwago,
Ha gu lomba, wu hakhe.
(Wona 1 Dzipf. 8:18, 27; 1 Dzik. 29:11-14; Mith. 20:24.)