GIHEVBULO 15

Ganeya khu gutiya

Varoma 8:38, 39

ESI U YEDEGO GU GIRA: Yeyedza vaengiseyi vago gu khuwe u ngu khodwa gu khuwe esi u ganeyago lisine nigu si na ni lisima.

Dzi dongiseye gwadi. Hevbula mahungu u vbwetago guya hevbudza kala u pwisisa mongo nya ganelo yago ni edzi Bhibhiliya yi wu seketeyago khidzo. Zama gu tshamuseya matshina nya gisekelo nya ganelo yago khu malito nyo vbevbuge. Vega gupima avba nya edzi ma na phasago khidzo vaengiseyi vago. Gombeya u lomba liphuvbo nya guage.

Wusedza ganelo yago khu lito nyo khugege gasi gu yi khala hungoni ni gu tshukwadzisa mavegelo yago.
Thumisa malito ma yeyedzago gutiya. Vbavbandze nyo thumise malito ma lovidwego avba nya lidangaliya nya ganelo, thumisa malito yago. Thumisa malito ma yeyedzago gu khayo u ngu si khodwa esi u ganeyago.
Ganeya khu gutiya u bwe u yeyedza gu khuwe kha wu hagani. Ganeya khu lito nyo pwale gwadi. Sa gu ba si si loleyi gipandreni gwanu, khedza vaengiseyi tepo u ganeyago.

U nga divali gu khuwe gu ganeya khu gutiya si hambanide ni maganelelo nya mba na githawo, gu bangeleya avba nya mawonelo yago, mwendro gu gurumedza gu silo si girwa khu magirelo yago. Ambari wo ba u ganeya khu gutiya, khongoteya vaengiseyi vago khu ndziya nya lihaladzo.