GIHEVBULO 51
Hi nga gira kharini gasi hi tsakisa Jehovha khu maganelelo yathu?
Tepo Jehovha a nga hi vanga, a hi ningide giningwa nyo hlamadzise, a gu makodzelo nyo ganeye. Ina a ngu khedza edzi hi gi thumisago khidzo giningwa gegi? Kha hi kanakani gu khethu ina! (Leri Jakobe 1:26.) Ina ka, hi nga gi thumisa kharini giningwa gegi khu ndziya yi tsakisago Jehovha?
1. Hi yede gu thumisa kharini giningwa nyo ganeye?
Bhibhiliya yari khiyo ‘tangadzisanani ni gu phasana moyo ni moyo.’ (1 Vatesalonika 5:11) Womo u mu tigo a vbwetago gu tangadziswa mwendro gu tiyiswa? Ginani u nga girago gasi gu phasa muthu yoyo a dzipwa gwadi? Mu embeye gu khuwe u ngu khathala khuye. U nga mu zundza khu makhalelo nya yadi a gu nawo. Womo lowo nyo khaguri u wonago gu khuwe wu nga mu tiyisa? Gu na ni milowo nya yingi u nga yi thumisago. Dundruga gambe gu khuwe maganelelo yago ma nga tiyisa ngudzu vambe. Khu kharato, tepo yatshavbo zama gu ganeya khu ndziya nya yadi. — Mavingu 15:1.
2. Maganelelo muni hi yedego gu ma potsa?
Bhibhiliya yari khiyo: “Mu nga ganeli [malito] nya guvivbe.” (Leri Vaefeso 4:29.) Isoso so thula gu khiso kha hi yeli gu valeteya mwendro gu ganeya malito nyo paye gasi hi si payi myonyo ya vambe. Vbavbandze nya isoso, gu vbwetega hi potsa gambe gu lemba ni ganeya guvivba khu vambe. — Leri Mavingu 16:28.
3. Ginani gi na hi phasago gu ganeya gwadi ni vambe?
Gutala nya dzitepo, esi hi ganeyago so yeyedza esi si gomogo mapimoni ni monyoni gwathu. (Luka 6:45) Khu kharato, gu vbwetega hi dzi garadzeya gu pimisa silo nya sadi — ‘nya gululame, nya guyele, nya guage, nya gugolege, nya guzundzege, nya ndruda, si yelago gu dhumiswa.’ (Vafilipi 4:8) Gasi si kodzega isoso, gu vbwetega hi hatha gwadi mihagano ni dzipari dzathu. (Mavingu 13:20) Nigu gwadi ngudzu gu pheya khu gu pimisa na hi si ganeyi gilo. Dundrugeya khedzi malito yago ma na kuhago khidzo vambe. Bhibhiliya yari khiyo: “Vomo va dusago [malito] nya gupaye kha nga litshari, aholu lidimi la va nya guti, la gu ninga womi.” — Mavingu 12:18.
GIRA WUGEVISISI NYO ETE
Wona edzi u nga ganeyago khidzo khu ndziya yi tsakisago Jehovha ni gu tiyisa vambe khu malito yago.
4. Dzi woneye esi u ganeyago
Dzimbe dzitepo, hi ngu ganeya silo hi vbedzago hi dzi laya khiso. (Jakobe 3:2) Lerini Vagalatiya 5:22, 23, mu vbedza mu bhula khu siwudziso sesi:
Mavhesi yaya mo ganeya khu makhalelo nyo hambanehambane ma phasago guti gilo nyo ganeye ni wulanga wakona nyo ganeye. Khu yavbini yakona makhalelo u nga hadzi lomba ga Jehovha? Makhalelo yaya ma nga gu phasa kharini?
Lerini 1 Vakorinto 15:33, mu vbedza mu bhula khu giwudziso gegi:
Dzipari ni mihagano hi hathago si nga kuha kharini maganelelo yathu?
Ginani gi nga kuhago maganelelo yathu?
Lerini Muhevbudzi 3:1, 7, mu vbedza mu bhula khu giwudziso gegi:
Khu sevbini siemo esi si gu wugengeyi gu degula mwendro gu vireya tepo nya yadi nyo ganeye?
5. Ganeya gwadi khu vambe
Hi nga gira kharini gasi hi si zangarisi vambe khu malito yathu? Sistirini VHIDHYU, mu vbedza mu bhula khu siwudziso sesi.
Kha nga hi si wonidego omu nya vhidhyu, khu ginani ndriyathu yoyu a nga ba a yede gu vbindrugedza ndziya a nga ba a ganeya khiyo khu vambe?
Ginani a giridego gasi gu vbindrugedza?
Lerini Muhevbudzi 7:16, mu vbedza mu bhula khu giwudziso gegi:
Ginani hi yedego gu gi dundruga ho tshuka hi lingwa gu ganeya guvivba khu muthu?
Lerini Muhevbudzi 7:21, 22, mu vbedza mu bhula khu giwudziso gegi:
Mavhesi yaya ma nga gu phasa kharini gu mba zangari vo tshuka vambe va ganeya guvivba khuwe?
6. Ganeya khu ndziya nya yadi wo ba u bhula ni vandrangani gwago
Jehovha o vbweta gu khuye hi thumisa malito nya yadi ho ba hi bhula ni vandrangani gwathu. Sistirini VHIDHYU, mu vbedza mu bhula khu giwudziso gegi.
Ginani gi na gu phasago gu ganeya khu ndziya nya yadi ni ndranga yago?
Lerini Vaefeso 4:31, 32, mu vbedza mu bhula khu giwudziso gegi:
Gu vbwetega hi ganeya khu ndziya yi na girago ndranga yathu yi dzipwa na yi haladzwa. Ina ka, hi nga si gira kharini isoso?
Jehovha embede gyanana gyaye gu khuye a ngu gi haladza. Lerini Matewu 17:5, mu vbedza mu bhula khu giwudziso gegi:
U nga gi pimedzeya kharini giyeyedzo gya Jehovha tepo u bhulago ni ndranga yago?
Vbwetedzeya dzindziya nyo zundze vambe
VAMBE VARI KHAVO: “Nyi tshulegide gu ganeya ni gevbini nyi gi vbwetago. Gani womo si mu vbisago, iyoyo gwaye!”
U ngu dzumeleyana nawo mawonelo yaya? Khu ginani?
REZUMO
Malito ma na ni tshivba. Khu kharato, gu vbwetega hi dundrugeya gwadi khesi hi ganeyago, edzi hi na si ganeyago khidzo ni wulanga wakona hi na si ganeyago avbo.
Siwudziso nyo wusedze
U nga thumisa kharini malito yago gasi gu phasa vambe?
Maganelelo muni u si yeligo gu ma thumisa?
Ginani gi nga hi phasago gu ganeya khu ndziya nya yadi ni gu bwe hi tiyisa vambe khu malito yathu?
HEVBULA SIMBE
Ginani gi nga hi phasago gu ganeya malito nya yadi?
Wona esi si na gu phasago gu diga gu valeteya.
“Ina kamo si vivbide gu valeteya?” (Ndrima nya jw.org, khu Giputukezi)
Wona edzi u nga potsago khidzo gu ganeya guvivba khu vambe.
Wona edzi Jehovha a phasidego khidzo mwama nyo khaguri gu diga gu valeteya.