HAGULEYA GUTSAKEYA
GIHEVBULO 7
Gutimiseya
Litshina: “Va di gu simama gu hevbudza ni gu tshumayela mahungu nya yadi.” — Mith. 5:42.
Ginani Pawulo a giridego?
1. Sistiri VHIDHYU, mwendro leri Mithumo 19:8-10. Khavbovbo bhulani khu siwudziso si landreyago:
Vbavbandze nya gu khale khu mawogo tepo vathu nyo khaguri va nga ba va mu wugeya, Pawulo timisede kharini gasi gu phasa vale va nga ba va yeyedza gu tsakeya?
Gungani Pawulo a nga bweleya gasi gu ya hevbudza vale va nga ba va yeyedza gu tsakeya, nigu vbedzide tepo muni?
Ginani hi gi hevbulago khu giyeyedzo gya Pawulo?
2. Hi yede gu dzi vegeya tepo gasi gu gira maendro nya gu bweleleye ni gupheya sihevbulo nya Bhibhiliya.
Pimedzeya Pawulo
3. Wuseya vathu khu tepo u na ya va manago khiyo. Dzi wudzise khuwe: ‘Nyi nga mu mana khu tepo muni gasi nyi bhula naye? Lini ni gu khu hayi a tsakeyago gu bhula ni eni?’ Dzi garadzeye gu mu wuseya ambari abari gu khandri tepo nya yadi gwago.
4. Mu wudzise khuwe lini u nga mu endreyago gambe. Tepo mu vbedzago mabhulo yanu, zama gu hunga ora mu na ta simamago khiyo mabhulo gambe. Dzi garadzeye gu ya manana khu ora ni wulanga mu hungidego.
5. U nga vbeledwi khu gutumba. U nga vbiredzi gu pimisa gu khuwe muthu nyo khaguri kha yeyedzi gutsakeya kholu u mu hamugago gaya gwaye mwendro kholu u mu manago na pharegide. (1 Kor. 13:4, 7) Sa gu girega isoso, dinganiseya. Simama gu timiseya ganiolu zama gu thumisa tepo khu ndziya nya wugengeyi. — 1 Kor. 9:26.