Hevbudza khu ndziya nyo vbevbuge

Ginani Jesu a nga gira?

VHIDHYU: Jesu o yeyedza edzi papayi wathu a khathalago khidzo khethu

1. Sistiri VHIDHYU, mwendro leri Matewu 6:25-27. Khavbovbo bhulani khu siwudziso si landreyago:

1. Jesu yeyedzide kharini edzi papayi wathu a khathalago khidzo khethu?

2. Ambari olu Jesu a nga ba ati nya singi khu sinyoni, vegide ngudzu gupima ga ginani? Nigu khu ginani?

Ginani hi gi hevbulago khu Jesu?

2. Tepo hi hevbudzago vathu khu ndziya yi vbevbugago gu si pwisisa, vathu va na dundruga esi hi va hevbudzidego ni gu hi na kuha myonyo yawe.

Pimedzeya Jesu

3. U nga ganeyi ngudzu. Vbavbandze nyo ganeye satshavbo u sitigo khu mahungu mu bhulago khayo, vega gupima ga mahungu ma gomogo ga libhuku mu li thumisago. Hwane nya gu ba u giride giwudziso, laphisa monyo u vireya gu khuwe gihevbuli gyago gi hlamula. Gya gu mba wuti hlamulo mwendro gyo ganeya khu silo si ngu mba yelana ni esi Bhibhiliya yi si hevbudzago, thumisa siwudziso nyo engedzeye gasi gi dundrugeya gwadi khu mahungu mu bhulago khayo. Tepo gihevbuli gi pwisisago pontu nya litshina, simamani ni pontu yi landreyago.

4. Yeyedza gihevbuli gyago gupwana gu gomogo ga esi gi hevbudego ni esi gi hevbulago olu. Khu giyeyedzo, nu ngasi pheyi gihevbulo gi ganeyago khava vafudego, u nga wusedza esi mu hevbudego ni gihevbuli gyago maningano ni giemo gya ava vafudego.

5. Thumisa gwadi sipimaniso. Na wu ngasi thumisi gipimaniso nyo khaguri, dzi wudzise khuwe:

1. ‘Ina gipimaniso gegi gi ngu vbevbuga?’

2. ‘Ina gihevbuli gyangu gi na gi pwisisisa khu guvbiredza?’

3. ‘Ina gipimaniso gegi gi na phasa gihevbuli gu pwisisa pontu nya litshina, mwendro gi na dundruga gipimaniso basi?’