Ginani Mufumo wa Nungungulu?

Mwama a lerigo Bhibhiliya na khade avba nya banku mbeli nya nyumba nya wufumo.

Vathu nya vangi va ngu gombeya gu khavo Mufumo wa Nungungulu wu nate. Ina si ngu gu garadzeya guti gu khuwe ginani Mufumo wa Nungungulu ni gu khuwe ginani wu na gireyago vathu?

WONA ESI BHIBHILIYA YI SI GANEYAGO:

Ginani Mufumo wa Nungungulu?

Uwo Mufumo wu gomogo ndzadzini nigu Pfumu yakone khu Jesu Kristo. — Isaya 9:6, 7; Matewu 5:3; Luka 1:31-33.
Ginani egi Mufumu wa Nungungulu wu na girago?

Wu na vbedza guvivba gwatshavbo wu bwe wu reseya gurula vathu mafuni. — Dhaniyeli 2:44; Matewu 6:10.
Sa gu thula ginani gu thangisa Mufumo wa Nungungulu?

Sa gu thula gu seketeya Mufumo wa Nungungulu ni gu khodwa gu khuwe Nungungulu a na thumisa Mufumo waye gasi gu vbiyela sigaradzo satshavbo mafuni. — Matewu 6:33; 13:44